+ ++ In nomine sancte et individue trinitatis. Eberhardus dei gratia sancte Salzburgensis archiepiscopus, apostolice sedis legatus, in perpetuum. ++ In vinea domini Sabaoth laborantes sollicita consideratione perpendimus nos ad regimen gregis nobis commissi minus sufficere et, ut onera nostra in alios partiri debeamus, de licentia et auctoritate domini Honorii pape III et assensu capituli nostri Salzburgensis in Lauent in ecclesia sancti Andree, in qua tunc canonici et ordo regularis de corpore capituli nostri a nobis extitit institutus, kathedram constituimus episcopalem tali adhibito moderamine, ut secundum formam privilegii predicti domini pape super hoc editi capitulo nostro Salzburgensi in nullo iure suo tam in dignitatibus quam * libertatibus vel consuetudinibus nec non et omnibus aliis suis rationibus occasione iam dicti episcopatus nullum fiat preiudicium et gravamen. De quibus rationibus quasdam specialiter et nominatim duximus exprimendas. Inprimis videlicet constituimus, ut prepositus et capitulum sancti Andree Lauenten(ses) nullo umquam iure quicquam sibi vendicet de prefati episcopi electione, sed ipsius electio simpliciter et pure tantum ad nos et nostros spectet ex ordine successores coram capitulo nostro in domino celebranda. Prepositi autem electio in ecclesia prefata sancti Andree ad capitulum Lauenten(se) sine cuiuslibet contradictione pertineat in perpetuum. De capitulo tamen nostro Salzburgensi tantummodo et non aliunde licebit eis personam assumere quam secundum dei timorem sibi viderint expedire. Predictus etiam episcopus = n° 826 = oppositurum. Excipimus etiam, ne idem Lauenten(sis) episcopus ecclesia Salzburgensi vacante = n° 826 = communiri. Anno ab incarnatione domini MCC°XXVIII°, indictione prima, dat. Salzburge, VI^a) idus maii, pontificatus nostri anno XXVIII°.||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 360.