Gregorius episcopus servus servorum dei venerabili fratri. .Salzburgensi archiepiscopo salutem et apostolicam benedictionem. Spes vertitur in dolorem cum utide^a) speratur defensionis auxilium infertur molestie detrimentum, nec est tolerandus potestatis abusus sevientis in illos, quos auctoritate iudiciaria defensare tenetur. Sane dilecti filii. . prepositus et capitulum Salzeburgen(ses) ordinis sancti Augustini humili nobis conquestione monstrarunt, quod patroni possessionum ecclesie sue patronatus officio enormiter abutentes ipsos multiplici molestatione fatigant graves eisdem inferendo iniurias et iacturas. Ne igitur inconsolabiliter flere cogantur eo, quod tribulatio proxima est et non est qui adiuvet, fraternitatem tuam monemus attente per apostolica scripta mandantes, quatinus patronos ipsos, ut ab eorum indebita molestatione desistant, districtione qua convenit appellatione remota compellas et, ut quieti eiusdem ecclesie consulatur, cum advocatias possessionum ipsius ecclesie vacare contigerit, nulli eas perpetuo feudo concedas, sed tantum temporaliter talibus de capituli licentia et assensu concedas, ut nullum exinde periculum formidetur. Dat. Asisii, II kal. iunii, pontificatus nostri anno secundo.||
B.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 361.