+ Eberhardus dei gratia archiepiscopus Salzpurgensis, apostolice sedis legatus, imperpetuum. Ne quod dilectis in Christo fratribus nostris capitulo Salzpurgensi pro gratia indulsimus, ex fluxu temporis deveniat in errorem, presenti scripto notum facimus universis, quod nos domum et aream, quam habet idem capitulum in Frisaco, speciali dedimus libertati quam propter ambiguitatem vitandam vulgaribus nominibus duximus exprimendam, que est talis, ut inquilinus eiusdem domus, quicumque ibi pro tempore fuerit collocatus, inmunis sit ab omnibus exactionibus indebitis quocumque nomine censeantur. A prestationibus quoque debitis, quas cives alii reddere consueverunt, similiter sit inmunis his scilicet, quod vulgo voitestâidinch et panhaftgv/ot et iarschillinch dicitur, iudicibus et theloneariis nostris sub obtentu gratie nostre districtius inhibentes, ne contra hanc nostram indultam gratiam venire contendant. Et ut hec donatio libertatis firma et stabilis perseveret, presentem paginam sigilli nostri munimine iussimus roborari testes, qui aderant, subnotari mandantes, qui sunt hii: Heinricus episcopus Seco/vensis, Hermannus decanus, Heinricus de Lo/vgin(gen), Perhtoldus de To/vinge, V/olricus de Wemarsvelde canonici Frisacenses; Otto de Kv/onsperch, Rvdigerus de Percheim, Gotschalcus de Nidecke, Vlricus de Wilarn, Guntherus, Engelbertus, Liberhardus, Hermannus Mv/orro cives Frisacenses et alii quam plures. Dat. apud Frisacum, anno domini M°CC°XL°, pridie idus septembris.||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 512.