Eberhardus dei gratia Salzburgensis archiepiscopus, apostolice sedis legatus, omnibus presentem paginam inspecturis salutem in domino. Quia divinitatis pocius quam humanitatis omnium habere memoriam iudicatur, ideo necesse est, ut fragilitati sensus humani aliquo amminiculo succurratur pro retinenda memoria singulorum. Cum igitur nullum bonum sit, quod non pulchrius elucescat, si plurimorum noticia conprobetur, idcirco presenti scripto tam presentes scire volumus quam futuros, quod consideratis serviciis Ortolfi Vulpis iunioris nobis annis pluribus impensis fideliter et devote recepta eciam ab eodem Ortolfo pro nostris necessitatibus aliqua summa peccunie ipsi omnia bona infrascripta, que nobis hincinde vacare liberius inceperunt, contulimus iure feudi. Protestamur ergo, quod predictus Ortolfus in loco, qui dicitur Râuris, sexcentos caseos valentes sex libras feudi titulo retinet ab ecclesia Salzburgensi, item sex solidorum redditus aput Puhel, preterea infra sanctum Vitum et Houen tenet tria novalia iure feudi, ad hec aput Gaîzzowe sexcentos caseos et Vâistenowe ducentos caseos feudaliter dinoscitur retinere, item ibidem locum pro molendino retinet ita, quod nullus illic molendinum aliquod preter ipsum potestatem habeat exstruendi. Constat eciam, quod prefatus Ortolfus quandam habet decimam solventem aput Pu/och annis singulis quinque libras, ad hec similiter protestamur, quod idem Ortolfus molendinum situm iuxta Golingen a nobis pro libris LXXXIII^a taliter conparavit, quod inter Chuchel et locum, qui dicitur Lu/och, nullus preter eum aliquod habeat molendinum. Tenet insuper aput Gleserpach trecentos caseos iure feudi. Preter hec habet iuxta Steîn vineta quedam, que peunt vulgariter appellantur, que eciam nobis vacare ab Heinrico purcravio inceperunt, item duo hospicia in civitate retinet aput Salzburch, habet similiter iuxta Salinam quoddam feudaliter molendinum. Ut igitur sepedictus Ortolfus omnibus bonis superius recitatis iure feudali gaudeat ita, quod neque per nos nec per nostros successores aut eciam per quemquam alium nisi omnia bona predicta feudi titulo possideat, repulsam aliquam paciatur, pro evidenti testimonio et cautela sigillo nostro hanc fecimus paginam roborari. Sunt etiam huius rei testes: dominus Werenherus magister coquine, Saxo marschalcus, Heinricus et Gotfridus fratres domini Werenheri, Heînricus, Ortolfus et Otto fratres de Mosen, V/olricus et Wernhardus de Sikinge, Ditricus de Augusta, Chunradus de Trachenberch, Ringel et Prehtel de Rein, Chunradus de Praîtenuu/ort, Ekehartinger, Vlricus de Celsaco, Rapoto de Newenchirchen et alii quam plures. Dat. aput Reîn, V^o idus febr., anno domini M°CC°XLI°, indictione XIIII^a||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 515-516.