Nos M(einhardus) dei gratia comes Goricie et Aquilegensis ecclesie advocatus notum facimus universis tam presentibus quam futuris huius scripti tenorem intuentibus, quod nos ad instantiam dilecti amici nostri domini Hainrici de Scherpfenberch suorumque parentum filiam ipsius seniorem dominam Mehtildim dedimus ecclesie Salzburgensi omne ius, quod^a) ibidem habere videbamur, ecclesie iam dicte resignando. Et ne talis datio sive resignatio per nos vel nostros heredes in posterum debeat inpediri, presens scriptum propter maiorem firmitatem fieri mandavimus nostri sigilli munimine roboratum. Actum Luoncz^b), anno domini millessimo CC^me XLII, indit.^c) XV^a, presentibus hiis testibus subnotatis: domino E(berhardo) venerabili Salzpurgensi archiepiscopo et episcopo Secowensi et M(einhardo) comitis^c) Goricie, domini E(kehardi) de Tanne, domini Chuonradi de Tobel, domini H(einrici) Rasponis de Frisaco et aliorum quam plurium.||
S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 531.