++ In nomine sancte et individue trinitatis amen. ++ Ego comes Wilhalmus de Hevnburch hoc scripto tam presentes scire cupio quam futuros, quod comes Heînricus de Ortenberch bone memorie avunculus meus eiusque filius nec non comes palatinus Bawarie totum feudum, quod dominus Reimbertus de Mvreke pie recordacionis in provincia Lauent situm ab ipsis Ortenbergensibus et comite palatino tenuit, quibusdam militibus fidelibus meis iure feudi ad meam peticionem et instanciam conferentes tandem ipsi fideles mei de consensu supradictorum comitum michi obligacionis titulo pro tribus milibus marcarum argenti feudum huiusmodi obligarunt. Igitur dominus meus Eberhardus venerabilis Salzburgensis archiepiscopus feudum tale ad suam devolvi ecclesiam plurimum considerans expedire ius et obligacionem, quam in eodem feudo habui, ipsi domino meo sueque tradidi ecclesie cum plenitudine potestatis tenore presencium firmiter promittendo me apud comitem palatinum nec non penes comitem de Ortenberch, qui predicta bona feudaliter ab ecclesia Salzburgensi retinent, plenissime optinere ita, quod idem comites feudo huiusmodi renunciantes libere resignent ecclesie Salzburgensi. Et nisi promissum huiusmodi perduxero ad effectum ipsumque contractum per omnia ratum habuero sive firmum, castra Hevnburch cum omni predio attinente totumque feudum, quod a Salzburgensi ecclesia teneo, de consensu meorum filiorum et uxoris pro mille marcis argenti ac preterea ius obligacionis, quod in supradicto feudo comitis palatini et Ortenbergensium habeo, similiter pro tribus milibus marcarum argenti domino meo Salzburgensi archiepiscopo sueque ecclesie obligacionis iusto titulo confiteor obligasse illud similiter protestando, quod in huiusmodi contractu quamlibet carratam vini mensure domini Babinbergensis episcopi pro marcis tribus numerate peccunie et utriusque grani modios octo mensure domini Reîmberti de Mureke bone memorie pro marca una eidem domino meo vendidi et distraxi ita, quod de bonis non infeudatis alicui, que sibi de iure assignare potero et tueri, pro redditibus cuiuslibet marce michi dare numerate peccunie marcas undecim teneatur. Pro qualibet autem marca infeudata, quam eciam sibi de iure tueri potero, denariorum marcas quinque recipere confiteor temporibus et terminis infrascriptis. Nam dominus meus archiepiscopus promisit firmiter et constanter, quod in festo beati Georii venturo proximo de summa tocius debiti accrescente michi centum decem marcas solvere non obmittet. Preterea confiteor, quod aput dominum Levtfridum de Eppensteîn de marcis octoginta quatuor et aput dominum Ditmarum de sancto Stephano de marcis quinquaginta quatuor nec non aput dominum Chunradum de Michelsdorf de marcis quadraginta idem dominus meus archiepiscopus me iam de ipsa summa debiti plene reddidit absolutum in se predictorum debita refundendo. Item partem mediam debiti remanentis super ea, que superius iam notavi, dominus archiepiscopus me de centum sexaginta marcis aput dominum Heînricum de Scharphenberch in festo beati Michahelis venturo proximo tenebitur excipere michi tunc temporis reliquum debitum eiusdem partis medie persolvendo. Aliam vero partem mediam preter singula notata superius ultimo remanentem proximo^a) veniente dominica quadragesime Invocavit prefatus michi dominus archiepiscopus solvere firmiter conpromisit sub illa forma obligacionis bonorum sue ecclesie in officio Altenhoven et apud Solium, prout suas super hoc patentes litteras michi dedit sigilli sui munimine roboratas.¹⁾ Et pro evidenti testimonio presentis negocii sigillum meum appendi huic pagine testibus notatis eciam et subscriptis: Heînricus venerabilis Sekowensis episcopus, comes V/olricus de Sterenberch, dominus Ditmarus de Griven et frater suus dominus Eberhardus, dominus Fridericus^b) de Wolfsperch, dominus Ditmarus de sancto Stephano, dominus Levtfridus de Eppensteîn et frater suus dominus Wlfingus de Risperch, dominus Chunradus de Michelsdorf, dominus Weriandus de Risperch, dominus Libhardus de Risperch, dominus Vlricus insanus de Risperch,^c) dominus Heînricus Raspo, dominus Ditmarus de Aicheîm, dominus Gotfridus Cheltzo, dominus Otto de Matrey et alii quam plures. Acta sunt hec aput Wolfsperch, anno domini M°CC°XII°, indictione XV°, kalend. april. XI°. S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 533-534.