Innocentius episcopus servus servorum dei venerabili fratri . . episcopo Frisingensi salutem et apostolicam benedictionem. Exhibita nobis dilectorum filiorum . . prepositi et capituli Salzseburgen(sium) petitione monstrarunt, quod cum felicis recordationis G(regorius) papa predecessor noster . . archiepiscopo Salzseburgensi concedendi tres¹⁾ infulas pontificales tribus prelatis civitatis et dioc(esis) Salzseburgensis concesserit facultatem, idem archiepiscopus temere abuti presumens permissa sibi super hoc a sede apostolica potestate quatuor prelatos de facto, cum de iure non posset, mitrare presumpsit non absque ipsorum et ecclesie Salzseburgensis preiudicio manifesto ac apostolice sedis iniuria et contemptu: Cum igitur ea, que taliter attemptantur, carere debeant robore firmitatis, fraternitati tue per apostolica scripta mandamus, quatinus inquisita super hiis et cognita vocatis, qui vocandi fuerint diligentius veritate, quod canonicum fuerit appellatione remota decernas faciens quod decreveris auctoritate nostra firmiter observari. Testes autem, qui fuerint nominati, si se gratia odio vel timore subtraxerint, per censuram ecclesiasticam appellatione cessante compellas veritati testimonium perhibere. Dat. Lugdun., II non. aug., pontificatus nostri anno tertio. B.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 621-622.