Alexander episcopus servus servorum dei dilectis filiis . . preposito et capitulo ecclesie Salzburgensis salutem et apostolicam benedictionem. Ex commissa nobis a domino cura pastoralis officii et concessa licet immeritis plenitudine ecclesiastice potestatis cogimur per ecelesiarum omnium per cottidianam instantiam diligentem sollicitudinem gerere ac eis, cum necessitas ingruit vel oportunitas exigit, nunc ex iustitie debito, nunc ex gratie beneficio paterna diligentia providere. Inter ceteras siquidem particulares ecclesias et metropoles universas ecclesiam Salzburgensem apostolica sedes, mater ecelesiarum, tanto debet favorabilius prosequi et benignius intueri, quanto eam magnificentius inter alias divina dispositio respexisse videtur in plenitudine spiritualium et temporalium ubertate. Sane cum olim Philippus quondam electus eiusdem ecclesie ipsam non tamquam sponsam male contrectans eam tenuisset diutius occupatam, vos demum prefatam ecclesiam merito vacare credentes post decursa tempora . constitutionis nostre super hoc edite, qua idem P(hilippus) manifeste privabatur eadem ecclesia vobisque de alio dabatur providendi potestas, convenistis in unum et eligendam seu postulandam vobis et eidem ecclesie personam idoneam in pastorem vocatisque Omnibus, qui voluerunt, debuerunt et^a) potuerunt comode^a) interesse. Tandem in venerabilem fratrem nostrum . . episcopum Chymensem et te, fili preposite, nec non scolasticum et Hermannum de Iustingen canonicum eiusdem ecclesie providendi vice omnium ipsi ecclesie de pastore contulistis unanimiter potestatem. Qui habentes pre oculis solum deum venerabilem fratrem nostrum . . Salzburgensem archiepiscopum tunc episcopum Sekowensem virum utique litteratum, probate vite ac circumspectionis experte in pastorem ipsi ecclesie concorditer et canonice postularunt vosque postmodum admitti a nobis postulationem huiusmodi ac dari sibi licentiam ad eandem vestram ecclesiam transeundi eo prius a vinculo Sekowensis ecclesie absoluto humiliter supplicastis. Nos igitur postulationem ipsam examinari feeimus diligenter et quia eam invenimus communiter et canonice celebratam, ne ipsa ecclesia vestra, que longo tempore non sine gravi eius discrimine languit, diu pastore vacaret postulationem ipsam de fratrum nostrorum consilio duximus admittendam, preficientes eum prefate Salzburgensi ecclesie in archiepiscopum et pastorem et absolventes eundem a vineulo, quo tenebatur ipsi ecclesie Sekowensi sibi licentia transeundi ad prefatam Salzburgensem ecclesiam ac plena eius tam in spiritualibus quam in temporalibus amministratione concessis. Quocirca universitati vestre per apostolica scripta firmiter preeipiendo mandamus, quatenus ipsi tamquam patri et pastori animarum vestrarum plene ac humiliter intendentes exhibeatis ei obedientiam et reverentiam debitam et devotam eius salubria monita et mandata suscipiendo devote ac inviolabiliter observando. Alioquin sententiam, quam idem rite tulerit in rebelles, ratam habebimus et faciemus auctore domino usque ad satisfaetionem condignam appellatione remota inviolabiliter observari. Dat. Viterbii XIII kalend. octobr. pontificatus nostri anno tercio.||
B.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 37-39.