Universis presentes litteras inspecturis Fridericus dei gracia decanus totumque capitulum ecclesie Salzburgensis salutem in domino. Noveritis, quod viro discreto domino Ottoni preposito eiusdem ecclesie Salzburgensis et Hseydenrico concanonico nostro et cuilibet ipsorum in solidum pro nostris et eiusdem ecclesie negociis in Romana curia inpetrandis et specialiter pro prosecutione negocii postulationis faote de venerabile patre domino Vlrîco Secowense^a) episcopo in archiepiscopum ecclesie supradicte plenam damus et liberam concedimus potestatem nostro et ipsius ecclesie nomine usque ad summam duorum milium librarum bonorum Venetorum grossorum de argento mutuum contrahendi, constituentes ipsos nostros et dicte ecclesie procuratores ac nuncios speciales licet absentes in solidum, et obligandi propter hoc nos et successores nostros cum omnibus bonis habitis et habendis et ecclesiam supradictam et nos ipsos ac eadem bona per presentes litteras creditoribus obligamus confitentes, quod pecunia, quam dicti procuratores mutuo acceperint vel alter eorum, in nostram et dicte ecclesie convertetur utilitatem. Quam pecuniam nos promittimus soluturos et reddituros illi vel illis a quo vel a quibus dicti procuratores vel alter eorum mutuo eam acceperint cum omnibus pactis tenoribus et conditionibus inter ipsos et creditores communiter statueudis et prout in litteris inde conficiendis plenius apparebit, dantes eisdem procuratoribus et cuilibet eorum expressam licentiam et potestatem pro predictis omnibus observandis et quolibet predictorum iurandi et iurari faciendi in animas nostras ac submittendi nos et nostrum quemlibet propter hoc iurisdictioni cuiuscumque voluerint iudicis seu etiam auditoris, quod idem iudex seu auditor interdicti et excommunicationis in nos ac nostrum quemlibet ferat sentenciam ac in illis locis, quibus ei videbitur expedire, per se vel per alium excommunicatos nos publice faciat nunciari, quam ratam habentes promittimus servaturos et agendi, defendendi, confitendi et sententiam audiendi ratum gratum habentes et firmum quicquid dicti procuratores eorum alter in premissis omnibus duxerint faciendum. In cuius rei testimonium sigillum nostrum presentibus literis est appensum. Dat. in Hælliîno, anno domini M°CC°LVII, III idus maii.||
S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 33.