[Zwei Kreuze übereinander] In nomine [Zwei Kreuze übereinander] domini nostri Iesu Christi amen. Anno nativitatis eiusdem millesimo ducentesimo quinquagesimo septimo, pontificatus domini Alexandri pape quarti anno tertio, indictione prima, mense decembr., die sextadecima in presentia venerabilis patris domini . . Chimensis episcopi et coram me Bonadie scriniario et testibus infrascriptis ad hoc rogatis venerabilis pater dominus Vlricus Salzeburgensis ecclesie archiepiscopus apud sedem apostolicam constitutus confessus est et recognovit se pro quibusdam suis et ecclesie Salzeburgensis ac etiam ecclesie Sekowensis sibi, ut asseritur, a domino papa commisse^a) negotiis et necessariis utilitatibus in Romana curia procurandis et expediendis mutuo recepisse et habuisse ab Andrea Bonagure de Mercato et a Bartholomeo Crescentii Nicolatri mutuante et solvente pro seipso et Andrea et Iacobo fratribus suis civibus et mercatoribus Romanis septingentas et quindecim libras bonorum et legalium Venetorum grossorum de argento, de quibus idem dominus archiepiscopus suo et predictarum ecclesiarum nomine se bene quietum et pacatum vocavit, exceptioni non numerate et non solute sibi pecunie renuntiando. Quas predictas septingentas et quindecim libras Venetorum grossorum eiusdem mercatoribus vel uni eorum in solidum aut ipsorum certo nuntio presens instrumentum restituenti in proxim(e) venturis kalendis aprelis^b) apud Venetias dictus dominus archiepiseopus per stipulationem legitimam se plene soluturum promisit ac integre redditurum. Quod si dictis loco et termino predietam peeuniam eisdem mercatoribus, ut dictum est, non fuerit integro persoluta, ex tunc inantea predictus dominus archiepiseopus suo et predictarum ecclesiarum nomine promisit mercatoribus supradictis pro dampnorum et interesse recompensatione persolvere per singulos duos menses pro singulis decem libris predictis unam libram eiusdem monete et expensas unius mercatoris cum equo et serviente ubicumque fuerit usque ad plenam solutionem totius pecunie supradicte et ea omnia in sortem dicti debiti nullatenus computare ac non detinere debituin supradictum totum vel partem contra dictorum mercatorum voluntatem sub pretextu recompensationis predicte ultra terminum prelibatum. Pro quibus omnibus et singulis supradictis firmiter observandis et ad implendis predictus archiepiseopus se ipsum et successores suos cum omnibus ipsorum bonis mobilibus et inmobilibus proventibus atque redditibus tam ecclesiasticis quam mundanis presentibus et futuris archiepiscopatum bona et archiepiscopalia et dictam ecclesiam Salzeburgensem, episcopatum bona episcopalia et predietam ecclesiam Secowensem dictis mercatoribus usque ad solutionem dicte pecunie et omnium predictorum propter hoc specialiter in solidum obligavit. Et renuntiavit in hiis omnibus et singulis predictorum predictus dominus archiepiseopus nomine suo et dictarum Salzeburgensis et Secowensis ecclesiarum omni iuris auxilio canonici et civilis, privilegio clericatus et fori consuetudini et statuto benericio restitutionis in integrum, omnibus apostolicis litteris et indulgentiis impetratis et impetrandis et crucesignatis ac crucesignandis concessis et concedendis, constitutioni «De duabus dietis» concilii generalis eunetisque constitutionibus editis in concilio Lugdunensi iuri et legi, per luod et quam quadrimestre tempus condempnatis indulgetur ad solvendum ac quod predictus archiepiseopus et episcopus, qui pro tempore in dicta fierit ecclesia Secowensi ipsorumque successores aliquo in tempore non opponent dictam pecuniam in dictarum ecclesiarum utilitatem non fore coaversam ac litteris apostolicis universis, si quas super premissis post terminum supradictum dictos impetrare contigerit, mercatores per se ipsorumque procuratores nullatenus contradicent vel facient contradici exceptioni doli et omni alii exceptioni actioni defensioni et rei omnique alii iuris et legum auxilio, que contra hoc instrumentum obici posset vel factum. Ad maiorem autem cautelam magister Vlricus notarius supradicte ecclesie Salzeburgensis iuravit ad sancta dei evangelia in animam predicti domini archiepiscopi ipso sibi expresse mandante ac committente, quod idem dominus archiepiscopus omnia, que dicta sunt, dictis mercatoribus attendet et observabit et usque ad dictum solutionis terminum apud Venetias moram trahet. Ceterum si dicte pecunie solutio loco non fieret et termino, ut dictum est, supradictis, statim personaliter ad curiam Romanam redibit inibi moraturus nec de ea recedet, donec dictis mercatoribus de predictis omnibus fuerit plenarie satisfactum. In cuius rei certitudinem pleniorem presens instrumentum prefatus dominus archiepiscopus suo fecit sigillo muniri. Actum Viterbii coram hiis testibus videlicet dominis Ottone preposito, Heyndenrico^b) plebano, Heynderico^b) et Friderico dicto liber canonicis Salzeburgensibus test test. test. test. et fratre Friderico ordinis fratrum predicatorum capellano predicti domini episcopi Chimensis test.||
SN. Et ego Bonadies sacri Romani imperii scriniarius, quia predictis interfui, hoc instrumentum scripsi et complevi rogatus.||
S.^c)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 40-42.