In nomine domini amen. Quia factorum principia fervent et ideo recentia sunt animo, que tamen ex aliorum actuum diverticulo et lapsu temporis memorie hominum arefiunt, expedit ergo ne omnino pereant scripti subsellio reformari. Nos Chv/ono dictus de Gv/otrat talia pretendentes scripto protestamur presenti notumque facimus universis dominum Ot(tonem) venerabilem prepositum et archidiaconum ecclesie Salzburgensis vice capituli hv/obam apud Sallinum Wernhardo dicto Trvtschel et Gebolfo te Obernalben locavisse pactis talibus excolendam videlicet quod omni iure, quod sibi in erbreht vendicaverant, penitus renunciarent obligantes se religione fidei nullam velle ex hoc movere ecclesie amodo questionem et quod de anno ad annum venient ad locationis placitum cum ceteris agricultoribus ecclesie prediorum in suis defectibus, si quos in structuris domesticis vel agrorum sulcationibus habuerint emendandi dabuntque singulis annis in festo Rvdberti, quod in auetumpno occurret, denariorum usualium libras II, item ova LX et IIII^or pullos, quod si eodem die ex paupertate sua sive negligentia vel etiam malitia predicte pensionis solutio fuerit retardata, a locatione colonie taliter sibi facte cadent, protinus ipso facto et strueture domus ac agrorum meliorationes cum omnibus ibidem cultis domino preposito remanebunt faciendo cum illis omnia, que suis utilitatibus viderit expedire. Insuper celerarium ecclesie Salzburgensis et nuntios eiusdem in suis herbergis recipient cum necesse fuerit ipsis paleam et fenum cum aliis necessariis porrigentes. Si autem ambo vel alter ipsorum colonorum decesserit vel a iure suo ex neglectu sicut premissum est ceciderit, nichil ad ipsius vel eorum heredes de cultura dicte hu/obe ex locatione facta parenti vel parentibus, sicut enucliacius poterat exprimi, pertinebit nisi in quantum voluerit respicere futura servicia vel munera eorundem libera erit preposito et ecclesie locatio dicte hu/obe voce ipsorum heredum contradictoria non obstante. Adiectum est etiam, si dicta hu/oba per aliquem, quod non credimus, evincatur, predictus prepositus et ecclesia prenotatis W(ernhardo) et G(ebolfo) colonis dicte hu/obe de evictione huiusniodi nullatenus obligantuv. Ut autem omnis ambiguitas tollatur malignantium in futuro, presenti carte nostrum sigillum dedimus appendendum. Acta sunt hec anno domini MC CLXX VIllI°, XIIII° kalend. maii. Testes vero, qui presentes fuerant, expressimus nominatim: dominum Hainricum de Rebdorf, dominum Fridericum de Vronaw canonicos Salzburgenses, item M. pistor^a), C. de Chalochsperch, K. de Schellenperch, D. dictcus Stræler, W. de Ysen, Vl. de Pach ambo camerarii, C. de Sallino dictus Clvnkælær, S. dictus Reimpergger civis Salzburgensis, P. de Saldorf et alii fide digni.||
S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 111-112.