Rvdolfus dei gratia sancte Salzburgensis ecclesie archiepiscopus apostolice sedis legatus venerabilibus et dilectis in Christo fratribus dominis Hainrico preposito et archidyacono, Fr(iderico) decano totique capitulo eiusdem ecclesie salutem in domino. Licet omnes de nobis sperantes teneamur beneficentie brachiis et speciali favoris gratia amplexari, plus tamen eos, qui immediate nobiscum unum corpus sunt et in eodem corpore solidantur. [1. Corr. 10, 17] Ut igitur dilectiouis unitas per exhibitionem operis comprobetur, hanc gratiam caritati vestre duximus conferendam, ut ubicumque in possessionibus vestris in Lungew vel alias miueram auri vel argenti aut cuiuscumque metalli alterius inveniri contigerit, denarii, qui vulgariter vanchpfenninge dicuntur, et nichilominus iura, que domino fundi de ipsa possessione vel fundo ipso provenire de iure deberent, sine omni impedimento et contradictione vobis cedant liberaliter pleno iure, salvis attamen nobis iuribus, que ad nos pertinere ratione dominii dinoscuntur. Et ne in posterum hec nostra gratia detrimentum aliquod paciatur, presentem vobis datam litteram nostri sigilli munimine duximus muuiendam. Datum Vanstorf anno domini millesimo CC^moLXXX septimo, XIII kalendis iunii.||
S.^a)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 170-171.