C. In nomine domini dei et salvatoris nostri Iesu Christi. Hludouuicus divina ordinante providentia imperator augustus. Cum petitionibus sacerdotum iustis et rationabilibus divini cultus amore favemus superna nos gratia muniri non diffidimus. Noverit interea^a) sagacitas seu utilitas omnium fidelium nostrorum tam praesentium quam et futurorum, quia vir venerabilis Arno, Iuuenensis^b) ecclesiae archiepiscopus nec[non Salz]-^c)burgensium, detulit nobis auctoritates inmunitatum domni et genitoris nostri Karoli, bonae memoriae piissimi augustid) in qua erat insertum, qualiter ipsam sedem, quae est in honore sancti Petri, pri[ncipis a]postolorum, ubi etiam sanctus Hruotbertus corpore requiescit, non sol[um cu]m cellulis sibi subiectis et re vel hominibus ad se pertinentibus vel aspicientibus sub suo nomine vel defensione consistere fecerat, verum etsiam^e) et quicquid ex liberalitate regum reginarumque, ducum vel ceterorum fidelium sanctae dei ecclesiae eidem ec[cl]esiae adtributum est, perpetuo in ditione^f) eius consisteret. S[ed] pro rei firmitate postulavit nobis praefatus venerabilis Arno archiepiscopus, ut paternum morem sequentes huiuscemodi nostrae inmunitatis atque confirmationis praeceptum ob amorem dei et reverentiam ipsius sancti loci circa ipsam ecclesiam fieri censeremus. Cuius petitioni libenter adsensum praebuimus et hoc nostrae auctoritatis praeceptum erga ipsam ecclesiam inmunitatis atque tuitionis gratia f[ieri decr]evimus, per quod prae[cipimu]s atque iubemus, ut sicut [genitoris] nostri praeceptum c[ontinebat, ita deincep]s inviolabilit[er conservetur, ut videli]cet ea quae eidem ecclesiae retroactis temporibus conlata fuerunt et quae modo a fidelibus iuste conferuntur, vel quae [deinceps legaliter conlata fuerint, per hanc firmitatem nostram absque alicuius contrarietate possideat, et nullus iudex publicus vel quilibet ex iudi]ciaria potestate in ecclesias aut loca vel agros seu reliquas possessiones memorate ecclesiae, quas moderno tempore in quibuslibet pagis [vel territoriis infra ditionem imperii nostri iuste et legaliter possidet, vel quae deinceps in iure ipsius sancti loci voluerit divina pietas augeri ad causas audiendas vel fred]a aut tributa exi[genda au]t mansi[ones vel paratas faciendas aut fideiiussores toll]endos aut homines ipsius eccl[esiae tam ingenuos quam et servos super terram ipsius conmanentes iniuste distringendos, nec ullas redibitiones aut inlicitas occasiones requirendas nostris aut futuris temporibus ingre]di aud[eat, (vel ea) quae supra memorata sunt, penitus exigere praesumat, sed liceat memorato praesuli suisque successoribus res] praedicte ecclesiae [sub inmunitatis nostrae defensione quie]to ordine possidere, et nostro fideliter parere praecepto atque pro incolumi]tate nost[ra] coniugis ac prolis seu etiam [totius imperii a deo nobis concessi atque conservandi iu]giter domini miseri[cordiam exorare delectet, et] quicquid exinde fiscus sperare poterit, totum nos pro aeterna remuneratione eidem ecclesiae concedimus, ut in alimonia pauperum et stipendia clericorum ibidem deo famulantium perp[etuis temporibus proficiat in] augmentum. Et ut haec auctoritas nostris futurisque temporibus domino protegente valeat inconvulsa manere, manu propria subter firmavimus et anuli nostri inpraessione signari iussimus. ||
Signum (M) Hludouuici serenissimi imperatoris. ||
C. Durandus diaconus ad vicem Helisachar recognovi et subscripsi. (NT.) SD.||
C. Data nonas februar. an[no Christo propitio] tertio imperii domni Hludouuici piissimi augusti, indictione VIIII; actum Aquisgrani palatio regio; in dei nomine feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 14-16.