Leo^a) episcopus servus servorum dei reverentissimis et sanctissimis episcopis, videlicet Alim Sabionensis ecclesiae, Vualtrico Pataviensis ecclesiae, Attoni Frigisiensis ecclesiae, Adalvuino Raganensis ecclesiae, Sintperto Stafnensis aecclesie simulque abbatibus una cum cuncto clero seu plebi provintiae Baiuvariorum commorantibus. Dum amore piae considerationis succendimur, debemus aliquid auxiliante deo supra positum fundamentum boni operis aedificare et ea quae contra statuta patrum noscuntur radicitus amputare. Unde et apostolus ait: Nemo militans deo implicat se negotiis secularibus. Quantum enim nobis tradita est pastoralis cura animarum peragenda et principatus culmen habemus, si neglegenter dominicum rexerimus gregem, tanto acrius a nobis exquiritur a domino et salvatore nostro Iesu Christo, cuius preceptis docemur: Pastor bonus animam suam ponit pro ovibus suis. Et idcirco convenit nos fratri nostro Arnoni archiepiscopo, cui vestri curam commisimus, cum magna constantia animi canonicis censuris docentes super vos vigilare, ut non lupinis morsibus id est diaboli stimulis laniemini^b) sed magis liberati a prelato sanctissimo atque reverentissimo fratre nostro Arnone archiepiscopo necnon edocati directi a diabolicis telis^c) vestras sacratissimas animas lucrifaciente deo cum fructu boni operis pertingatis ad palmam. Quapropter ut secundum dei timorem officium suum unusquisque^d) pleniter in dei omnipotentis servitio suo canonico disposito adimplere festinet^e) pro sanctae dei ecclesiae profectu et fidutia, quam decet in archiepiscopo habere, a quo et omnia recipiatis, ita etiam et in eo summam habeatis confidentiam, ut dignum et iustum est, ut digne et iuste ipse pleniter ac puriter una vobiscum in orationibus ante deum certare studeatis, quia iustum est omnes^f) Christianae plebis pro summo rectore sanctae dei aecclesiae ritum devotissime adimplere. Ideo ammonentes docemus unanimiter^g) in concordia pacis et caritate secundum ecclesiasticum atque apostolicum perseverantes praeceptum semper omnino in sancta conversatione de die in diem proficere contendatis et semper a sancta sede apostolica consultum et sancte fidei documentum, sicut et praedecessores vestri, vos suscipere gaudeatis atque a vicario beati Petri sanctis orationibus fulciri confidite, ut quod auribus percipitis operibus adimpleatis et domino annuente secularia iuditia abicere festinate et ad proprium archiepiscopum, quem a sancta catholica et apostolica Romana ecclesia canonice suscepistis occurrere in canonicis iudiciis festinate, ut et^h) ipse suae doctrinae mercedem mereatur a domino accipere, et vos pro vestra oboedientia praemium vitae eterne accipere mereamini. Sicut enim a sanctorum patrum sancta catholica et apostolica Romana ecclesia auctoritatem suscepit, ut in provintia, que deo auspice in Christianitatis more amplicataⁱ⁾ et dilatata est licentiam habeat^k) eiusdem ecclesiae apostolicus et vicarius beati Petri apostolorum principis constituere metropolim et ordinare archiepiscopum, ita et in partibus fecimus vestris. Tamen a multis iam temporibus ab ista sancta sede fuit praeordinata, sed diversarum rerum eventu inpediebatur usque temporibus nostris, quod nos^l) deo inspirante una cum consilio atque consensu excellentissimi filii nostri domni Caroli regis Francorum et Langobardorum atque patricii Romanorum renovavimus statuta sanctorum patrum et secundum traditiones canonicas constituimus vobis metropolitanam sedem eiusque pastorem ordinavimus dignum et canonicum archiepiscopum quemadmodum a sanctis patribus statutum est, ut unaqueque provintia suam habeat metropolim. Et nequaquam vobis vilis videatur institutio a vicario sancti Petri apostoli sed omni studio omnique devotione canonicas sanctiones observantes unanimiter^g) cum humilitate et mansuetudine concordiam pacis habentes, omnia cum consilio vestri metropolitani scilicet Arnonis archiepiscopi que agenda atque tractanda sunt, cum timore et dilectione dei facite^m) etⁿ⁾ hi qui volunt pie in Christo vivere, gaudeant sibi sui metropolitani archiepiscopi adesse consilium. Et ipse una vobiscum omnia secundum dominicum praeceptum humiliter et cum caritate et observatione canonica que agenda sunt pertractet, et hi qui extra ordinem deviaverint, cum omni modestia corrigantur et ut impleatur inter eos sancta illa evangelica sententia: Ubi duo vel tres congregati fuerint in nomine meo, ibi sum in medio eorum. Prelatus vero frater noster reverentissimus et sanctissimus archiepiscopus interrogavit nos de incestis coniunctionibus, que usque nunc multis in locis non canonice observabantur. Quamquam^o) sunt^p) qui dicant^q) sanctum Gregorium scripsisse Augustino episcopo¹⁾ ad Anglorum gentem: Tertia propinquitate^r) posse copulare, quod omnino in scrinio sancti Petri non invenitur²⁾ nos quippe eidem venerabili archiepiscopo quicquam aliud constituere non valuimus, nisi quod a praedecessoribus nostris repperimus. In concilio vero sanctae recordationis domnum^s) Zachariam papam³⁾ scripsisse eius synodi invenimus ita⁴⁾. Sed neque hoc silendum est, quod in Germania partibus divulgatum est, quod quidem in archibo sanctae ecclesiae scriptum non repperirnus, ipsis tamen asserentibus hominibus de Germanie partibus didici, quod beate recordationis sanctus Gregorius, quem vera religione christianitatis divina gratia illustrasset, licentiam illis dedisset^t) in quarta sese copulari generatione. Quod quidem licitum christianis^u) non est dum usque se generatio cognoverit, sed dum rudes erant et invitandi ad fidem; quamquam^o) minime scriptum, ut dictum est, observabant. Nunc custodiri non ambigimus, sed per hoc sicut nos observamus, ita et illi ediximus; nam plus quam^v) praedecessores nostri canonice instituerunt aliquid omnino dicere non valemus. Repperimus quippe in beato Ysidoro Spaniensi episcopo⁵⁾ usque in septimam generationem observare sic copulare, quia in septimo die quievit deus ex omnibus operibus suis et in novellis Romanorum legibus⁶⁾ instar invenitur. Propterea pro vestra sanctitate praefatum fratrem nostrum^w) reverentissimum et sanctissimum Arnonem archiepiscum commonemus, ut ei edicere et praedicari curetur, et cum apostolica auctoritate ille periculosissimus usus a christiana ple avellatur^x); et^y) instituere vobis^z) studeat, qualiter pie et sapienter, quod malum est, devitetur et quod bonum est, adsumatur ne in^a) anathematis incidamus periculum, sed auctoritas semper sanctae scilicet doctrinae nostrae super vos per vestrum fulgeat archiepiscopum, quatenus et ipse sibi mercedem ante deum pro vestra doctrina multiplicet et vos desiderabilem a deo vitam et coronam accipiatis. Similiter et omnes vos episcopi abbates presbiteri diaconi monachi et clerici, abbatisse sanctimoniales^b) atque comites iudices cunctique primates cum universa plebe ammonere et predicare per apostolicam auctoritatem ediximus, ut unusquisque ordine suo pleniter cum timore et dilectione dei evangelicis atque apostolicis praeceptis seu etiam statutis sanctorum patrum oboedientes existant. Et unusquisque officium suum omni devotione secundum canonicam auctoritatem observet, et omnes concordiam pacis sanctamque caritatem in se invicem custodiant; episcopi ecclesias atque dioceses suas canonica regant auctoritate; abbates abbatissae monachi vel sanctimoniales^b) regulariter vivant et subiecti episcopis suis existant, quorum consilio et doctrinae omnino obediant, maxime tamen metropolitano archiepiscopo, quo^c) vestra almitas ornata in omnibus esse videtur. Presbiteri atque diaconi seu cunctus clerus, comites et iudices et omnes primates vobis episcopis suis humiliter oboedientes existant secundum timorem dei et observationem mandatorum eius; comites quidem et iudices iuste iudicent in populis; pauperes enim pupilli et viduae ne opprimantur; ecclesiae namque dei ne calumniam patiantur, sed ipsi magis eorum in secularibus sint tutores, et omnes simul ante tribunal summi iudicis cum his, qui a dextris eius victuri sunt, desiderabilem illam vocem domini audire mereantur: Venite benedicti patris mei, percipite regnum quod vobis paratum est ab^d) origine mundi.||
Deus vos incolumes custodiat, reverentissimi et sanctissimi fratres. Data III id. april. deo propitio pontificatus domni nostri in apostolica sede quinto atque domni Caroli excellentissimi regis Francorum et Langobardorum atque patricii Romanorum, a quo coepit Italiam anno XXVII, indiction. VIII.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 7-10.