Gregorius^a) episcopus servus servorum dei reverentissimo et sanctssimo confratri Liuprammo sanctae Iuvauensis aecclesiae archiepiscopo diebus vitae tue tantummodo. Si pastores ovium sole^b) geluque pro gregis sui custodia die ac nocte ferre contenti sunt, ut ne qua ex eis aut errando pereat aut ferinis laniata^c) morsibus rapiatur, oculis semper vigilantibus circumspectant, quanto sudore quantaque cura debemus esse pervigiles nos, qui pastores animarum dicimur, adtendamus et susceptum officium exhibere erga custodiam dominicarum ovium non cessemus^d), ne in die divini examinis^e) pro nostra^f) desidia ante summum pastorem neglegentiae reatus excruciet, unde modo honoris reverentia sublimiores inter ceteros iudicamur. Pallium autem fraternitati tuae ad missarum solemnia celebranda concedimus, quod tibi non aliter ecclesiae tuae privilegiis^g) in suo^h) statu manentibus, uti largimur, nisi solummodo in die sanctae ac venerande resurrectionis domini nostri Iesu Christi seu in nataliciis sanctorum apostolorum atque beati Iohannis baptiste necnon in adsumptione beate dei genitricis Mariae simulque in dominice domini dei nostri nativitatis dieⁱ⁾ pariterque in solemnitatis dieⁱ⁾ ecclesiae tuae, verum etiam et in ordinationis tuae natalicio concedimus dieⁱ⁾ sicuti a beatissimo predecessore nostro domno Gregorio¹⁾ huius alme sedis presule sanccitum^k) est. In secretario^l) vero induere tua fraternitas pallium debeat et ita ad missarum solemnia proficisci et nihil sibi amplius ausu temerarie presumptionis^m) adrogare, ne dum in exteriori habitu inordinatae aliquid adripiatur, ordinate etiam quae licere poterant amittantur. Cuius quoniam indumenti honor modesta actuum vivacitate servandusⁿ⁾ est, hortamur, ut ei^o) cuncta ornamenta conveniant, quatenus auctore deo recte utrobique^p) possis esse conspicuus. Itaque vita tua filiis tuis sit regula; in ipsa, si qua tortitudo illis iniecta est^q), dirigant; in ea quod imitentur aspiciant, in ipsa se semper considerando proficiant, ut tuum post deum videatur esse bene, quod vixerint. Cor ergo neque prospera, quae temporaliter blandiuntur, extollant, neque adversa deiciant, sed quicquid illud fuerit, virtute pacientiae^r) devincatur. Nullum apud te locum odia^s), nullum favor indiscretus inveniat; districtum mali cognoscant, insontem apud te culpabilem suggestio mala non faciat, nocentem gratia^t) non excuset; remissum te delinquentibus non ostendas, ne quod ultus non fueris perpetrari permittas. Sit in te et boni^u) pastoris dulcedo, sit et iudicis severa districtio, unum scilicet quod innocenter viventes foveat, aliud quod inquietos feriendos^v) a^v) pravitate conpescat^w); sed quoniam nonnumquam prepositorum zelus, dum districtus^x) malorum^y) vult vindex existere, transit in credulitate correctio, iram iuditio refrena et censura disciplinae sic utere, ut et culpas ferias et a dilectione^z) personarum quas corrigis non recedas. Misericordem te prout virtus patitur pauperibus exhibe; oppressis denfensio tua subveniat, opprimentibus modesta^a) erectio^b) contradicat; nullius faciem contra iustitiam aeeipias; nullum querentem iusta despicias; custodia in te aequitatis excellat, ut nec divitem potentia sua aliquid (apud) vos extra viam^c) suadeat rationis audire nec pauperem de se sua faciat humilitas desperare, quatenus deo miserante talis^d) possis existere, qualem sacra lectio precepit dicens: Oportet episcopum inreprehensibilem esse. Sed his omnibus uti^e) salubriter poteris, si magistram caritatem^f) habueris, quam qui secutus fuerit, a recto aliquando tramite non recedit. Ecce frater karissime inter multa alia ista sunt sacerdotii, ista sunt pallii, que si studiose servaveris, quod foris accepisse ostenderis, intus habebis. Sancta trinitas fraternitatem vestram gratiae suae protectione circumdet atque ita in timoris sui via (nos) dirigat, ut post vitae huius amaritudinem ad eternam simul dulcedinem pervenire mereamur. ||
Scriptum per manum Petri scriniarii^g) in mense maio, indict. XV. Bene vale. ||
Sigillatum^h) II kal. iun. per manum Vrsi secundiceriiⁱ⁾ sanctae sedis apostolicae^k), imperante domno piissimo perpetuo augusto Hludovuico a deo coronato magno imperatore anno XXII, indict. XV.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 27-29.