C. In nomine sanctae et individuae trinitatis. Hludouuicus divina favente gratia rex. Si de rebus terrenis, quas divina sumus largitate consequuti, fidelibus nostris adiutorium praebere studuerimus, non solum regium morem decenter implemus, verum etiam eos procul dubio fideliores ac devotiores in nostro efficimus servitio. Quapropter comperiat omnium fidelium nostrorum, praesentium scilicet et futurorum sollertia, qualiter quidan^a) fidelis comes noster Papo veniens in procerum nostrorum praesentiam postulavit serenitatem nostram, ut quasdam res proprietatis nostrae consistentes in Ademundi valle Uuitagouua^b) in prium^c) concedissemus, id est mansos serviles XII et pascua et silvas et aquas^d), que in ipsa proprietate coniacent. Nos vero ob amorem et servitium suum libenti animo assensum praebentes decrevimus ita fieri et dedimus praescripto Uuitagouua comite^e) nostro in Ademundi valle mansos serviles XII pascua et silvas et aquas^d), que in ipsa proprietate coniacent, ea videlicet ratione, ut quicquid ab hodierna die et deinceps praescriptus Uuitagouua de praedictis rebus facere voluerit, per hoc nostrae auctoritatis praeceptum facere voluerit, nullo inquietante sed deo auxiliante perpetuis temporibus potestatem habeat faciendi quicquid elegerit absque alicuius contradictione. Et ut haec auctoritas concessionis nostrae inconcussam et inviolabilem obtineat firmitatem, manu propria nostra subter eam firmavimus et anuli nostri inpressione assignare iussimus. ||
Signum (MF) domni Hludouuici serenissimi regis. ||
Hebarhardus notarius ad vicem Uuitgarii recognovi et SR. ||
Data kal. octob., anno XXVIII regni domni Hludouuici serenissimi regis m orientali Francia regnante, indictione VIII; actum Ranthesdorf villa regia; in dei nomine feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S 84-85.