Nicolaus^a) episcopus servus servorum dei reverentissimo et sanctissimo confratri nostro^b) Adaluino archiepiscopo sanctae ecclesiae Iuvauensis^c) qui et Salzpurcgensis vocatur, diebus vite tuae tantummodo. Si pastores ovium sole^d) geluque pro gregis sui custodia die ac nocte ferre contenti sunt, ut ne qua ex eis aut errando pereat aut ferinis laniata morsibus rapiatur, oculis semper vigilantibus circumspectant, quanto sudore quantaque cura debemus esse pervigiles nos^e), qui pastores animarum dicimur, adtendamus et susceptum officium exhibere erga custodiam dominicarum ovium non cessemus, ne in die divini examinis pro nostra desidia ante summum pastorem neglegentiae reatus excruciet, unde modo honoris reverentia sublimiores inter ceteros iudicamur. Pallium autem fraternitati tuae ad missarum solemnia celebranda concedimus, quod tibi non aliter ecclesiae tue privilegiis^f) in suo^g) statu manentibus, uti largimur, nisi solummodo in die^h) sanctae ac venerande resurrectionis domini nostri Iesu Christi seu in nataliciis sanctorum apostolorum atque beati Iohannis baptiste necnon in adsumptione beate dei genitricis Mariae simulque in dominicae domini dei nostri nativitatis die^h) pariterque in solemnitatis ecclesiae tuae die^h), verum etiam et (in) ordinationis tue natalicio concedimus die^h) sicuti a beatissimo predecessore nostro domno Gregorio¹⁾ huius alme sedis presule sanccitumⁱ⁾ est. In secretario^k) vero induere tua fraternitas pallium debeat et ita ad missarum solemnia proficisci et nihil sibi amplius ausu temerarie presumptionis adrogare, ne dum in exteriori habitu inordinatae aliquid arripiatur ^l), ordinate etiam quae licere poterant amittantur. Cuius quoniam indumenti honor modesta actuum vivacitate servandus est, hortamur, ut ei^m) cuncta ornamenta conveniant, quatenus auctore deo recte utrobiqueⁿ⁾ possis esse conspicuus. Itaque vita tua filiis tuis sit regula; in ipsa, si qua tortitudo illis iniecta est^o), dirigant; in ea quod imitentur aspiciant, in ipsa se semper considerando proficiant, ut tuum post deum videatur esse bene, quod vixerint. Cor ergo neque prospera, quae temporaliter blandiuntur, extollant, neque adversa deiciant, sed quicquid illud fuerit, virtute pacientiae devincatur. Nullum apud te locum odia^p), nullum favor indiscretus inveniat ^q); districtum mali cognoscant, insontem apud te culpabilem suggestio mala non faciat, nocentem gratia^r) non excuset; remissum [te delinquentibus non ostendas], ne quod ultus non fueris perpetrari permittas. Sit in te et boni pastoris dulcedo, sit et iudici[s severa districtio, unum] scilicet q[uod] innocenter viventes foveat, aliud quod inquietos feriendos a^s) pravita[te conpescat^t); sed quoniam nonnumquam] prepositorum zelus, dum districtus malorum^u) vult vindex existere, transit in credul[itate correctio, iram iuditio refrena] et censura disciplinae sic utere, ut et culpas ferias et a dilectione personarum quas ^v) [corrigis non recedas. Misericordem] te prout virtus patitur pauperibus exhibe; oppressis denfensio tua subveniat, opp[rimentibus modesta^w) erectio^x) contradicat; nullius faciem contra iustitiam aeeipias; nullum querentem iusta despicias; [custodia in te aequitatis excellat, ut nec] divitem potentia sua aliquid apud vos extra viam^y) suadeat rationis audire nec paup[erem de se sua faciat humilitas desperare], quatenus deo miserante talis^z) possis existere, qualem sacra lectio precepit dicens: Opor[tet episcopum inreprehensibilem esse]. Sed his omnibus uti^a) salubriter poteris, si magistram caritatem^b) habueris, quam qui secutus fuerit, a recto [aliquando tramite] non recedit. Ecce frater karissime inter multa alia ista sunt sacerdotii, ista sunt pallii, que si studiose [servaveris, quod foris] accepisse ostenderis, intus habebis. Sancta trinitas fraternitatem vestram gratiae suae protectione circumdet atque [ita in timoris] sui via (nos) dirigat, ut post vitae huius amaritudinem ad eternam simul dulcedinem pervenire mereamur. ||
Scrptum per manum Sophronii^c) notarii regionarii et scriniarii sanctae Romane ecclesiae in mense maio, indict. VIII. Bene vale.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 35-36.