+^a) ++In nomine patris et filii et spiritus sancti. ++ Notum sit cunctis Christi fidelibus tam futuris quam presentibus, quod controversia, que vertebatur inter Salzeburgensem^b) et Perhthersgadmensem^c) ecclesias super iure archidiaconatus et foresto et aliis, sub hac forma est sopita, quod in iure archidiaconatus sacerdos, qui preest populo in ecclesia Perhthersgadmensi^d) ad conventum Salzeburgensis^b) prepositi, si quando eum in ecclesia kathedrali aut in alio archidiaconatus sui loco indixerit, reverenter accedat. Et si que^e) graves et perplexe cause in plebe Perhthersgadmensi emerserint, ad examen Salzeburgensis^b) prepositi referantur discutiende et idem prepositus tali reverentia^f) contentus Perhthersgadmensem^d) plebem in approbata sua consuetudine et quiete, qua ab ecclesie^g) fundatione usa dinoscitur, vexare non adtemptet. De foresto autem sic determinatum^h) est, quod ecclesia Salzeburgensis^b) ligna sumat de foresto Perhthersgadmensis^d) ecclesie, tantum ad decoctionem salis necessaria et non ad alium usum hiis tamen terminis contenta, quod eadem ligna ex utraque parte fluvii, qui dicitur Alba, succidantur et deducantur per rivos et torrentes et alio quocumque modo in ipsum fluvium a loco, qui dicitur Schellenberchⁱ⁾, et inferius usque ad decoctionem salis, superius autem Schellenberchⁱ⁾ in montibus ex utraque parte fluvii, qui dicitur Alba, nichil iuris vel concessionis sibi Salzeburgensis^k) usurpare velit ecclesia. In testimonium autem proprietatis ecclesie^g) Perhthersgadmensis^l) in festo beati Ru/odberti^m) in autumpno conferantur ex parte choriⁿ⁾ singulis annis duo aurei estimationem habentes LXXX^ta denariorum Salzeburgensis^b) monete, ex parte vero domni^o) archiepiscopi talentum eiusdem monete divisim^p) in duobus beati R/odberti^m) festis persolvatur. Quod si constitutis temporibus iam dictus census a prememoratis partibus non fuerit persolutus, prefati Perthersgadmenses sectionem lignorum suorum et evectionem eorundem usque ad redditionem debiti sibi census prohibeant.^q) De area vero quadam^r) in civitate Salzeburgensi^b) sita et ad maiorem ecclesiam pertinente sic statutum est, ut ecclesia Perhthersgadmensis eam habeat pro beneficio et singulis annis in testimonium proprietatis ecclesie^s) Salzeburgensi^b) XII denarios persolvat. Huius^t) rei testes sunt: domnus Eberhardus^u) Salzeburgensis archiepiscopus, apostolice s(edis) l(egatus), domnus Albertus maioris ecclesie prepositus, Fridericus Perhthersgadensis^v) prepositus, Albertus decanus, Hartwicus, Hartfridus, Engelmarus^w), Willehalmus, Hermannus canonici, Ru/odgerus^x) plebanus de Salzeburchhouen^y), Chunradus^z) scriba et alii quam plures. Acta sunt hec anno dominice incarnationis M°CC°XI°, III^a kal. septembris.||
S.^b) S.^a) S.^c)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S.152-153.