++ In nomine sancte et individue trinitatis amen. Lo/vdewicus dei gratia comes palatinus Rheni et dux Bawarie in perpetuum ++. Ne iuris alterius firmitas infirmitate oblivionis alicuius vel temeritate pervadi possit aut infringi, litibus sopitis iura scriptorum memoria solent roborari. Inde est, quod cum nos ius patronatus in ecclesia Gastvne nobis conpetere putaremus nostro iuri eandem ecclesiam vendicantes, tandem conperto et per omnia patefacto ipsam ecclesiam ad liberam et potestativam donationem domini nostri archiepiscopi Salzburgensis Eberhardi et eius successorum pertinere nostro errore correcto liti cessimus eam sue dispositioni sine difficultate qualibet relinquentes. Ne ergo ab aliquo heredum nostrorum vel officialium in ipsa ecclesia vel possessionibus eius vel attinentiis nomine advocatie vel quovis iure contra voluntatem et mandatum eiusdem domini nostri archiepiscopi et eius capituli aliquid valeat adtemptari, omnia, que supradicta sunt, ita esse protestamur publice et confitemur dicta nostra sigilli nostri munimine roborantes. Testes sunt: Rudegerus Kimensis, Karolus Sekowensis episcopi, comes Bernhardus de Livbenowe, comes Livtoldus de Pleien, Wernhardus de Vtendorf nobilis, Lodewicus de Hageno/ve nobilis, Heinricus de Ror, Chunradus de Beierbrvnnen, Berhtoldus de Oede, Grimoldus de Saluelden, Willehalmus de Pleien et ministeriales ecclesie et alii quam plures.||
++ Acta sunt hec anno domini millesimo CC°XXVIII°, indict. II^a, dat. Muldorf, XII° kal. octobr. ++||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 367.