In nomine sancte et individue trinitatis. Heinricus septimus divina favente clementia Rom(anorum) rex et semper augustus in perpetuum. ++||
Legum sanctionibus est repertum et utentium moribus approbatum, quod multo sit conspectior tunc in principe principatus crescatque conspicue thesaurus imperii et honor honerabilioribus^a) proficiat augmentis, si ad amplificandum culmen regium studiosos digna vice remuneret exauditio maiestate regnantis. Sane venit ad nos dilectus princeps imperii Ludewicus illustris palatinus comes Reni et dux Bauuarie recognoscens nos coram maioribus regni nostri ex mandato serenissimi domini imperatoris patris nostri invicti et ex nostra electione regia ius habere imperii negotia administrandi dignos feodis infeodandi feodaque recipiendi quibus placuerit resignare, et ius dandi communiter omnibus sicut decreverit iusticia preeunte, et petivit obnixe, ut comitatus illos in diocesi Salzburgensi in territorio autem, qui dicitur Binzgo/v, sitos, quorum unus superior est videlicet secundum^b) decursum aquarum, quem nobilis vir Henricus quondam comes de Mittersel a dicto duce sibi tenuit infeodatum et post mortem comitis vacans redivit ad ipsum, aliusque inferior est, quem comes de Plain Liutoldus nomine ab eodem duce in feodo noscitur possidere^c) ,resignatos nobis recipere dignaremur et eos continuo pro obsequiorum suorum frequentia daremus nomine regalium archiepiscopo Salzburgensi sueque ecclesie perpetuo possidendos. Et hoc ipsum fieri dictus archiepiscopus a nobis suis precibus devote postulavit. Nos igitur utriusque principis attendentes obsequia circa nos et imperium sepius habita semperque habenda, hoc, quod petitum est, pio favore admittentes memoratos^d) comitatus nobis a sepedicto principe resignatos archiepiscopo Salzburgensi sueque ecclesie imperiali annuente clementia concedimus et donamus perpetualiter iure regalium possidendas^a) scientes hoc utriusque principum contractui inter se hinc inde habito¹⁾ profuturum. Placuit etiam nobis eosdem comitatus propriis et antiquis nominibus per limites declarare: superiorem videlicet incipientem in monte, qui dicitur Havinaere, ubi oritur fluvius Salza et decurrit per planum usque ad locum, qui dicitur Walherainode, per longum, per latum vero, prout montes ex utraque parte continent cacumina terminantia comitatum, inferiorem autem a predicto loco Walherainode per longum et planum sicut dicta aqua Salza decurrit, donec ipsi torrens, qui dicitur Tunta, influit iuxta Bongo/v et ex altera parte per Saluelt^e) et Loueram et usque ubi Sal fluvio ripa influit, que dicitur Steinbach, per latum autem in montibus circumquaque positis prout a suis sumitatibus^a) sunt aque alpium decurrentes. Ut autem hec nostra largitio firma sit et semper amodo valitura, hanc paginam fecimus inde conscribi et sigillo nostre celsitudinis roborari. Testes vero, qui premissi^a) facti nostri interfuerunt, hii sunt: E(gbertus) Babinbergensis, H(einricus) Eistetensis, C(onradus) Constantiensis venerabiles episcopi, L(iupoldus) Austrie, L(vdewicus) Bawarie illustri duces, H(einricus) comes de Burgo/v, R(upertus) comes de Castele, C(onradus) burgravius de Nurinberc, R. de Druhendingen, lantgravius de Lucchenberge, E(berhardus) comes de Echilberge, H. de Chunringen, E(berhardus) dapifer de Walpurc, C(onradus) pincerna de Winterstete, C. de Smideuelt, G. de Solzburc, quatuor fratres de Grindelahe, D(ieto) de Rauensburc, fratres de Arbona, fratres de Sumrowe et alii quam plures.||
Datum apud Vlmam, anno dominice incarnationis millesimo CC°XX° octavo, quintodecimo kalendis septembr., indictione prima.||
++ Signum domini Henrici septimi Romanorum regis invictissimi. ++ M||
SD.^f)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 364-365.