+ ++ In nomine sancte et individue trinitatis. Eberhardus dei gratia Salzburgensis archiepiscopus, apostolice sedis legatus, in perpetuum. ++||
In vinea domini Sabaoth laborantes sollicita consideratione perpendimus, nos ad regimen gregis nobis commissi minus sufficere et, ut onera nostra in alios partiri debeamus, de licentia et auctoritate domini Honorii pape III et assensu capituli nostri Salzburgensis in ecclesia Seco/vwensi, in qua tunc canonici et ordo regularis extitit institutus, kathedram constituimus episcopalem tali adhibito moderamine, ut secundum formam privilegii predicti domini pape super hoc editi capitulo nostro Salzburgensi in nullo iure suo tam in dignitatibus quam in libertatibus vel consuetudinibus nec non ot omnibus aliis suis rationibus occasione iam dicti episcopatus nullum fiat preiudicium et gravamen. De quibus rationibus quasdam specialiter et nominatim * duximus exprimendas: In primis videlicet constituimus, ut prepositus et capitulum Seco/vwense nullo umquam iure quicquam sibi vendicet de prefati episcopi electione, sed ipsius electio simpliciter et pure tantum ad nos et * nostros spectet ex ordine successores coram capitulo nostro in domino celebranda. Predictus etiam episcopus a nobis vel a successoribus nostris electus et pontificali anulo investitus et inbeneficiatus coram capitulo nostro hominium faciat archiepiscopo et sacramentum prestet se in omnibus fidelitatem debitam eidem et ecclesie Salzburgen(si) servaturum. Statuimus etiam, ut idem electus ante perceptam consecrationem coram nobis capitulo nostro iuret, se eidem semper fore devotum et ad defensionem et conservationem honoris ipsius et privilegiorum ei pro posse pie et fideliter affuturum nec causa alterius ei se aliquando oppositurum. Excipimus etiam, ne idem Secowensis episcopus ecclesia Salzburgensi vacante ulla penitus ratione electioni archiepiscopi se debeat ingerere. Sollempnia quoque divini officii in maiori ecclesia, nisi a capitulo vocatus nullius iuris pretextu celebret, preter pontificalia officia, que vice nostra nobis absentibus adimplere satagat et hoc de mandato nostro speciali. De causis etiam cognoscendis, quarum diffinitio nobis non presentibus de iure conmuni spectat ad capitulum maioris ecclesie, extra suam diocesim se nullatenus intromittat. * Volumus etiam, ut secundum antiquam consuetudinem et a nobis et a predecessoribus nostris hactenus observatam prepositus Salzburgensis ecclesie sive in publico sive in privato a latere nostro propter presentiam episcopi seu episcoporum a nobis creatorum numquam debeat segregari, sed preposito in sinistro latere posito Gurcensis et reliqui episcopi in dextro latere secundum cuiuslibet episcopatus etatem in suo ordine statuantur. Ne igitur hec nostra institutio ab aliquo in posterum valeat immutari, presentem inde paginam conscribi et sigillo nostro fecimus communiri. Anno ab incarnacione domini M°CC°XX°VIII°, indictione prima, dat. Salzburge, VI idus maii, pontificatus^a) nostri anno XX°VIII°.^a)||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S.358-359.