Nos Lvdewicus et Heinricus dei gracia comites palatini Rehni^a) duces Bawarie scire cupimus universos presencium inspectores, quod nos habentes sinceritatem dilectionis, que consistit in exhibicione operis, ad dilectum dominum et consanguineum nostrum Philippum venerabilem electum Salzburgensem pro certo dilectionis indicio comiciam sive Judicium per provinciam Chingev^a), quam habuit comes Chunradus de Plein a nobis et subsequenter Rapoto comes palatinus Bawarie, deinde Siboto de Tetelheim, a quo ipsam comiciam per iuris ordinem evincentes eandem ipsi electo tradidimus et ecclesie Salzburgensi perpetuo possidendam ita tamen, quod pars iudicii eiusdem comicie ultra Altsam fluvium constituta in nostra remaneat potestate in hunc modum, ne in homines domini electi et suorum in eodem iudicio constitutos nostri procuratores aliquam iuris habeant dicionem. Et ne alique municiones preter nostram et heredum nostrorum consilium et voluntatem in dicta comicia per sepefatum dominum electum vel successores suos in terre gravamen et nostrum preiudicium erigantur, promittimus quoque bona fide donacionem eandem quacumque firmitate voluerit sibi ac dicte ecclesie stabilire. Immo ipsam comiciam contulimus pro sua peticione suis ministerialibus subnotatis videlicet Gebhardo de Velwen, Chv/onrado de Goldekke, Vlrico de Chalheim, Chv/ononi de Torringen, insuper amore dicti electi renunciavimus impeticioni, si quam habuimus pro comecia in Levbeno/vwe et feudis Chv/onradi de Vager pura fide promittentes illam renunciacionem ipsi et ecclesie sue sufficienter roborare, quandocumque ad hoc fuerimus requisiti, ratum habendo collacionem eiusdem comicie in Levbeno/vwe et feudorum Chv/onradi de Vager, quam felicis memorie Lvdewicus avus noster noscitur fecisse ecclesie Salzburgensi, et iam dicta feuda pro peticione venerabilis electi ad maiorem firmitatem concessimus ministerialibus suprascriptis, qui tam comicias quam feuda nominata per manus nostras sepedicto electo et ecclesie Salzburgensi pro duobus milibus marcarum argenti obligarunt. Nos eciam duces cessimus et renunciavimus omni questioni, quam movimus prelibate ecclesie super quibusdam hominibus ministerialium nomen habentibus et quam movimus super aliis hominibus nomen habentibus militare. Ipsi quoque dominus Phylippus electus Salzburgensis in Signum amicicie specialis capituli sui et consulum suorum mediante consilio et consensu nobis contulit iure feudi versa vice advocaciam monasterii in Sewen aliaque feuda, que comes de Wazzerburch ab ecclesia tenuit Salzburgensi promittens bona fide collacionem eandem nobis roborare quacumque voluerimus firmitate. Contulit. eciam nobis feuda palatini comitis Bawarie preterquam advocaciam in Nunnenwerde citra montem Strichen, alias vero videlicet in montibus super possessiones eiusdem monasterii nos constituit advocatos. Excepit eciam feuda, que habebant ab ipso comite palatino ministeriales ecclesie Salzburgensis. Hec omnia bona fide ipse electus nobis stabilire secundum quod ab ipso requisierimus conpromisit. Igitur ut circa ipsum et suam ecclesiam nostra devocio evidencius elucescat, sibi in iudicio nemoris per procuratores nostros secundum antiquam consuetudinem sua iura promisimus observari. Ut autem hec rata permaneant, presentem cartam conscribi et eam nostrorum sigillorum munimine fecimus roborari cum testibus subnotatis, qui sunt hii: Heinricus episcopus Chyemensis, Otto prepositus Salzburgensis, Richkerus abbas sancti Petri, Albertus comes de Dilingen, Purchhardus comes de Gru/enenpach dictus de Wererier^b), Lvdewicus pincerna de Vlugelsperch, Sifridus de Vor/vwenberch, Berhtoldus marscalkus de Schiltperch, Sifridus de Vor/vwenhouen, Heinricus de Rorbach, Gebhardus de Velwen, Chv/onradus de Goldelike, Vlricus de Chalheim, Cho/vno de Torringen. Acta sunt hec apud castrum Dorenberch in villa Ehertingen anno domini M°CC°LIIII kal. VI^a) august., indictione XII.||
SD. S.^c)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 26-27.