Nos Ludwicus dei gracia comes palatinus Reni dux Bawarie presentibus profitemur, quod nobis mediantibus inter reverendum in Christo patrem et dominum nostrum Rudolfum sancte Salzburgensis ecclesie archiepiscopum apostolice sedis legatum et karissimum fratrem nostrum H(einricum) comitem palatinum Reni ducem Bawarie treuge statute sunt et firmate pro se et suis abbinc usque ad festum purificationis beate virginis proxime venturum et per totum diem eundem inclusis omnibus, que sunt ex utraque partium occupata quocumque modo ita tamen, quod medio tempore non currat prescripto in eisdem, sed unicuique in futurum ius suum illesum et integrum conservetur. Item theloniuin, quod mutarii eiusdem fratris nostri hucusque receperunt in Tytmæning, ibidem non recipient durantibus treugis illis. Statuimus insuper, quod inpignoraciones cessent interim utrobique, nisi liqueat de debito vel possit legittime comprobari, in quorum utroque casu debita eadem non vi sed iuslicia requirantur coram iudice competenti. In cuius rei testimonium presentes litteras dedimus nostro et partium sigillorum munimine roboratas. Dat. in campis iuxta Paldeling anno domini M°CC°LXXX quinto, proxima feria sexta ante Martini.||
S.^a) S.^b) S.^c)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 152-153.