Nos Vlricus comes de Hevnenburch tenore presentium profitemur et constanter promittimus, quod quandocumque dominus Lvdwicus filius ducis Karinthie, domini nostri Chvnradi venerabilis archiepiscopi Salzburgensis et noster communis captivus, post requisicionem nostram ab eodem domino nostro archiepiscopo fuerit reassignatus in tali loco, ubi secure per nos recipi poterit, tenebimur domino nostro archiepiscopo predicto vice versa ad illas promissiones seu pacta, que nobis fecit prout in^a) instrumentis nobis super hiis datis plenius continentur, ita videlicet, quod de consensu heredum nostrorum castra nostra Pleiburk, Traberch et Smielenburch eidem domino nostro archiepiscopo vice pignoris assignamus cum tantis redditibus quantis nobis sua castra quatuor assignavit. Castellani eciam nostri de predictis tribus castris nostris sibi prestabunt fidelitatis sacramentum quemadmodum castellani sue nobis sacramenta huiusmodi antea prestiterunt. Milites etiam et militares liomines nostri meliores¹⁾ numero duodecim, qui ad hoc per nos ambo^b) fueriut nominati, simul cum illo, qui ipsum habebit in custodia domino archiepiscopo corporale prestabunt sacramentum sab ea forma, quam ministeriales²⁾ sui nobis corporaliter iuraverunt. Et si non de dicto duce fuerimus concordati, tunc quandocumque per dictum archiepiscopum aut nuncium suum fuerimus requisiti ipsum sine dolo et omni malo ingenio sicut unquam tucius et caucius fieri poterit, tenebimur assignare, nisi nos aut dictum ducem tam legittimum obstaculum inpediret, quod per duos fidediguos homines nostros presente nimcio suo possumus ostendere et docere et cessante impedimento statim tenebimur assignare. Et si deficeremus in premissis, ex tunc predicta castra nostra pro quatuor milibus marcarum argenti Wiennensis ponderis remanebunt vice pignoris obligata nec non et^a) interesse pro dampno, quod exinde ipsum contingeret sustinere et nichilominus omne ius in dicto duce sibi competet, quod antea competebat. Tenemur preterea ad illustrem dominum Ottonem comitem palatinum Reni ducem Bawarie et fratres suos litteras nostras dare, quod ecclesie Salzburgensi contra nos in hac causa prestet auxilium et iuvamen. Si negligeremus attendere antedicta et si nos non esse contigerit, uxor et heredes nostri domino archiepiscopo et ecclesie sue, si ipse superstes uon fuerit, sunt ad hec obligati, que in instrumentis nostris per ordinem continentur. Si vero quisquam castellanorum nostrorum interim moreretur, illi tenebimur alium ex hominibus nostris iuxta domini archiepiscopi consenssum^c) et arbitrium subrogare. Porro si requisiti per dominum archiepiscopum predictum ducem a die requisicionis negligeremus reddere infra mensem et si elapso illo mense effugeret aut forsitan moreretur, hoc in ipsius archiepiscopi preiudicium nullatenus redundabit, reddito autem nobis dicto duce a requisitione nostra infra mensem, ipsum tempore habebimus in custodia quanto eum dominus archiepiscopus autea retinebat cumque ipsum denuo restitueremus, dominus archiepiscopus aliud privilegium iuxta priora pacta continuo nobis dabit et ad idipsum ipso archiepiscopo obligamur^d), quando idem dux a nobis iterum denuo peteretur. Et ut premissa firma et inviolabilia perseverent, hoc firmavimus fide data et insuper presentem litteram ipsi tradimus nostri sigilli munimine roboratam pro testimonio et cautela. Dat. in sancto Vito, proxima feria tercia post festum beati Iacobi apostoli anuo domini M°CC° nonagesimo secundo.||
SD.

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 210-211.