Ego Vlricus de Græuenbach domini mei reverendi in Christo patris domini Chunradi archiepiscopi Salzburgensis castellanus in Leybniez presentibus recognosco, quod dominus meus archiepiscopus predictus in recompensacionem dampnorum meorum, que serviendo sibi pertuli et recepi, ut in quodam monticulo, qui nuncupatur in der Owe, prope Witmarsdorf in bonis suis in Lutenwerde possim erigere ac edificare fortalicium sive castellum ad defensionem hominum et bonorum suorum ibidem, de speciali gracia sie indulsit concedendo michi viginti quatuor mansos eidem monticulo proxime adiacentes, ut illis tunc primo utar, quando idem castellum edificare cepero sie quod infra annum compleam, quod etiam iuratus promitto facere quantocicius potero bona fide et eosdem mansos unâ cum castello pro me et heredibus meis tamdiu retinebo, quousque memoratus dominus meus archiepiscopus vel successor eius solutis michi vel heredibus meis centum marcis denariorum Grætzensium prefatos mansos et castellum duxerit requirendos, que sibi sine omni difficultatis molestia assignabo. Ego etiam et heredes mei iurati quamdiu mansos predictos et castellum in nostra tenebimus potestate, de eisdem domino meo archiepiscopo sepedicto vel successori suo et ecclesie sue debemus servire fideliter et intendere absolute. In cuius recognicionis evidens testimonium et cautelam meum sigillum duxi presentibus apponendum. Nos quoque Heinricus die gracia Lauentine (ecclesie)^a) episcopus et Vlricus archidyaconus et vicedominus inferioris marchie ad preces ipsius Vlrici de Græuenbach sigilla nostra similiter presentibus duximus appendenda. Scriptum et actum Salzburge anno domini millesimo ducentesimo nonagesimo septimo, in vigilia purificationis beate virginis gloriose Marie.||
SD. S.^b) S.^c)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 228-229.