Nos Fridricus dei gracia dux Austrie et Stirie dominus Carniole Marchie ac Portusnaonis recognoscimus tenore presencium publice profitentes venerabili in Christo patri domino nostro Chunrado sancte Saltzpurgensis ecclesie archiepiscopo ob grata et fidelia obsequia nostris progenitoribus et nobis exhibita et ostensa in mille septingentis marcis argenti ponderatorum Grecensium Wiennensis ponderis nos teneri, pro quibus, cum non habeamus pecuniam in parato, castra nostra Luchsental et Lauentmund, que ab eodem domino nostro tenemus in feodum, cum suis pertinenciis et utilitatibus universis, ipsi domino nostro archyepiscopo Salczpurgensi iusto titulo pingnoris obligamus tam diu possidenda, donec eidem domino nostro archyepiscopo vel suis successoribus per nos aut per nostros heredes predicte mille septingente marce fuerint integraliter persolute; quo facto memorata bona nobis aut heredibus nostris restituenda sunt libere occasione quavis^a) postposita et remota. In cuius testimonium sigillum nostrum presentibus est appensum. Datum in Grez super Stiriam anno domini millesimo trecentesimo decimo, VIII kalend. iunii.||
S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 299-300.