Wir Heinrich von gotis gnaden chunich ze Behaim und ze Polan, herzog ze Chernden, graf ze Tirol und ze Gortz, vogt der gotezheuser ze Aglay, ze Trient und Brixin, veriehen an disem offen prief und tu/en chunt allen den, di in sehent, horent und lesent, daz wir unsern herren den werden ertzbischof Chu/onraten von Saltzburch und sein goteshous mit disem priefe sichern, daz wir an dem uberlegen und an dem newen powe der vest ze Altenhouen in und sein yorgenantes goteshous niht beswern suln noch wellen an recht, daz wir an in vordern mu/ogen, swenne ez uns fu/egt. Und daz wir daz also stet und unzebrochen behalten, dar uber geben wir disen prief versiglt mit unserm insigl. Der prief ist geben ze Saltzpurch, da nach Christes geburt ergangen warn dreuzehen hundert iar dar nach in dem einleften iar, an dem nehsten mittichen nach sant Margereten tach.||
S.^a)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 302.