Wir Friderich von gotes genaden ertzbischolf ze Salzburch, legat des stu/ols ze Rom, veriehen offenbar an disem brief und tu/on chunt allen den, di in sehent eder ho/erent lesen, daz wir und der ernwirdig herre her Wernt erwelt und besta/ettigt ze bischolf ze Babenberch sein v/eber ain chomen, daz dheiner der unsern der sinen dheinen fu/er den andern ouf haben noch pfenden sol, also sol ouch dheiner der seinen der unsern dheinen fu/er den andern ouf haben noch pfenden, ez su/och denn des ersten der chlager ein recht vor dem, do er ez ze recht su/ochen sol. Wirt im daz vertzogen und daz des ein gewizzen ist, ob denn ainer fu/er den selbgescholn wirt ouf gehabt, er sei unser eder des vorgenanten von Babenberch. Domit ist wider di brief nicht getan und ouch di vordern taidinge sint do mit nicht u/ebervarn. Swer daz u/eber fu/er, er sei unser eder des vorgenanten von Babenberch, den sol sein herre pu/ezzen als er genad an im vindet. Dar u/eber geben wir disen brief versigelten mit unsern anhanden^a) innsigel. Der ist geben ze Salzburch des pfintztags vor sand Erasmitag, do von Christes gebu/ord woren dreuzehenhundert iar dar nach in dem vier und dreizzgisten iar.||
S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 405-406.