Ne rerum gestarum seriem quorumlibet posterorum calumpnia depravari contingat, necesse est eam certo literarum testimonio conmunitam transmitti noticie futurorum. Igitur ego Dyetmarus de Hohenwerch desidero scire tam posteros quam presentes, quod libero utens arbitrio Decem solidos et sex denarios reddituum libere et proprietarie hereditatis mee, sitos in villa Waiczendorf, quos iure successionis et particione hereditatis ex morte matris mee sortitus sum, venerabili conventui sanctimonialiuin de sancto Bernhardo in Chrueg pleno iure racionabiliter vendidi pro duodecim talentis denariorum wiennensis monete quos me plenarie recepisse profiteor, ipsosque redditus cum iure proprietatis et advocacia et omnibus suis pertinenciis integraliter resignavi predicto conventui cum libertate perpetua possidendos. Et licet isti sint redditus, quos cum ceteris bonis pie memorie mater mea predicto conventui testamentaliter delegavit, tamen per determinacionem arbitrorum, videlicet avunculi mei Stephani de meyssow et chunradi de Pilichdorf addicti sunt et additi sorti mee. Preterea ego sub caucione presencium conpromisi, quod predicta bona contra omnium inpetitorum insultus omnimodis defensare liberaque reddere debeam et quieta, prout secundum conmune ius terre proprietarie possessiones suorum expetunt tutamina venditorum. In huius rei testimonium sepedicto conventui tradidi, has patentes literas sigilli mei munimine, nec non eciam sigilli predicti avunculi mei de meyssow munimine roboratas. Testes sunt Aloldus et Hainricus filius eius dicti de Cheyow. Hadmarus et Wolfingus dicti de Sunnberch. Hadmarus et Albero de Schonberch. Hugo tuerso de Liechtenvels, isti ministeriales. Hainricus Wiltperger et Lewtwinus gener eius. Engelbertus iudex de Horn et Albero Walkerstainer. Clientes et quam plures alii fide digni. Datum et actum Wienne Anno dominice incarnacionis Millesimo Ducentesimo Nonagesimo septimo Octavo idus Augusti hoc est in die sancti Sixti pape et Martiris.

Source Fulltext: ZEIBIG, Stiftungsbuch (=FRA II/6, Wien 1853) S. 190-191