Ich Weikhart von Grueb tv^en chunt an disem prief allea levten, di nu sint oder di hernach chiinftig sint, di in sehen oder horent lesen, da« ich ein lehen dacz Radwansdorf meins rechtz aygens han verchauft der geistlichen vrowen der Aptessinn vron Elzpeten vnd der Sampnung da ze sant Bernhart vin vierczehen phunt phenning wienner, der ich schon gewert pin, vird han in daz aufgegeben fv^er rechtez vreiz aygen mit mein selbes vnd meiner hausvrowen vron Kathrein vnd mit meiner tochter margreten, Agnesen vnd Annen hant, vnd gelob in dar wber, ich vnd mein veter her Engelprecht der Grueber von sant Bernhart rechten landez scherm als recht in Osterrich ist. Vnd dar wber zv einer gewizzer stetigung gew wier, ich weichart vnd Engelprecht di vorgenanten den vorgenanten vrowen vnd der sampnung da ze sant Bernhart disen prief versigelten mit vnser paider insigel. Gezevg dicz dingez sint her Stephan von Meyssaw der Marschalch in Osterrich vnd her Vlreich sein svn di dinstherren, her Haug von molt, her Herwort sein svn, her Ortolf der richter von horn, her Ortolf sein pruder, her Zewiss, her Dietreich von sant Marein, her Leutwein von Dornech, her Heinreich von Dachpach, her Almar der purchraf von fuchsperch, di chnappen in dem peugreich vnd anderb levt vil vnd genug. Dicz dinch ist geschehen vnd diser prief ist gegeben dacz sant Bernhart in dem chloster da man von Christes gepurt raitt dreuczehen hundert Jar vnd dreuczehen Jar an vnser vrowen tag der Chundung.

Source Fulltext: ZEIBIG, Stiftungsbuch (=FRA II/6, Wien 1853) S. 280