Ich Chvnrat von Hadmarsdorf Tv^en chvnt an disem brief, allen levten, di nv sint, oder di her nach chvnftig sint, di in sehn oder horen lesen, daz ich durch got vnd dvrich meiner sel hail mit mein selbes vnd mit meiner housfrowen vron Cecilien wolverdachtem mvt, vnd mit aller meiner chind Chvnrates, Dietmars, Elsbeten, Diemveten, Annen vnd mit aller meiner erben svn vnd tochter gvetlichem willen vnd mit ier hant gegeben han den geistlichen vrowen vnd dem Chloster dacz sant Bernhart zv meiner tochter Kathrein ain lehen vnd ain hofstat dacz Pfafsteten, vnd ein lehen dacz Wartperg, di alle iar dienent drev phvnt phenning an sant Michels tage, daz selb gvet han ich in avfgegeben mit gesamenter hant aller meiner erben fvr recht frei^eez aigen ze haben zv meiner vorgenauten tochter ewichlich mit allem nvcz vnd recht, alz ich iz vnd mein vodern in aygens gewer habn gehabt, vnd gelob in daz ze schermen, als landes vnd aigens recht ist in Oesterrich. Vnd ze einer ewigen bestetigvng dicz dinges gib ich den vorgenanten vrowen von sant Bernhart disen brief versigelten mit meinem insigel vnd avch mit meins hern hern Vlreichs von Meyssawe insigel, der Marschalch ist in Osterrich, vnd des vor genantes chlosters Stifter. Gezevg arch dicz dinges sint mein vorgenanter herre, her Vlreich vonMeyssawe her Hainreich von Cheyawe, her Alber der Strevn di dienstherren, her Dietmar der Newenekker, Friedreich der Chriech von Freitschlarn. Niclas von Plaench vnd Ortolf von stocharn vnd auch ander piderb levt vil vnd genveg. Dicz ding ist geschehen vnd diser brief ist gegebn dacz sant Bernhart, da man raitt von Christes geburt dreucehen hvndert vnd newenzehen iar an vnser vrowen tag in der uasten.

Source Fulltext: ZEIBIG, Stiftungsbuch (=FRA II/6, Wien 1853) S. 227-228