Charter: St. Paul, Benediktiner (1099- 1499) 1201 I 17
Signature: 1201 I 17
Add bookmark
Edit charter (old editor)
17. Jänner 1201, St. Paul
In nomine Patris et Filii et Spiritus sancti. Amen. Notum sit omnibus Christi fidelibus tam futuris quam presentibus, qualiter dominus Heinricus iunior de Cholmenz litem quandam et iniuriam fratribus monasterii sancti Pauli super monte quodam sancti Martini intulerit, quem montem inter duos fluuios, quorum unus Widempach alter Munzelingarepach1 dicitur, positum nobilis quidam Amelbertus nomine cum aliis eiusdem ecclesie reditibus pro remedio anime sue sancto Martino olim contulerat,2 ubi etiam sepultus iam feliciter in Christo requiescit. Quod etiam predium ecclesia sancti Pauli sanctique Martini ex eo tempore per annos circiter LX quiete semper ac libere possedit. Cumque prefatus Heinricus pro facta uiolentia interpellante aduersus eum abbate a domino duce3 ad examen iudicii sui citaretur et ab archiepiscopo,4 ad cuius diocesim pertinet locus ipse, diuinorum interdictione ad iusticiam constringeretur, uidens se non bono super iam dicti predii inuasione hactenus consilio inductum coram duce et abbate ac fratribus multisque aliis probabilibus personis predium, quod iniuste uendicauerat, abdicauit. Preterea adiudicatum confirmatum est, ut homines nostri in predio illo, quod ex collatione Heinrici senioris ac parentum suorum tenemus, constituti omnem comunitatem, que uulgo gemeine dicitur, in possessione iam dicti Heinrici iunioris ac filiorum eius de iure semper habere debeant scilicet in siluis et pascuis, in exitibus atque reditibus, quod et se conseruaturum presente duce Vodalrico et fratre eius Bernhardo multisque aliis testibus benigne satis annuendo laudauit. – Huius rei testes sunt: Wichardus de Charlsperc, Wolfcangus de Gruonenberc, Otto Ungenade, Ortolfus de Strunenberc, Heinricus de Lichtenberc,5 Sifridus, Cunradus, Hartwicus, Albertus,6 Cunradus et Hartwicus de Huntesdorf,7 Ekebertus, Heinricus de Tuchendorf, Heinricus Ahtare, Wichardus, Meinhardus, Gotfridus, Meinhardus ministeriales comitis, Meinhalmus archidiaconus, Walchuonus, Heinricus, Ortolfus, Hermanus, Fridericus, Ruodigerus, Chuono de Friberc, Ortolfus, Fridericus, Meinhalmus, Gerardus, de Wolfsberc, Eberhardus et Hermanus de Schonensteine, Erinbertus, Walchuonus et Fridericus de sancto Andrea et alii quam plures.Source Regest: SCHROLL, Urkundenbuch St. Paul (= FRA II/39, Wien 1876) S. 103-104, Nr. 31
Current repository:
HHStA Wien (http://www.oesta.gv.at)
HHStA Wien (http://www.oesta.gv.at)
1 Siegel Material: Pergament
Original dating clause: Acta sunt hec anno ab incarn. dom. M.CC.I. xvj. Kal. Februarij, apud sanctum Paulum Lauent.
Editions:
- Ankershofen, 1. c. Nr. 602, im Auszuge.
Language:
Notes:
1 Zwei kleine Bäche, die in den Granitzbach gehen. Münzling heisst noch eine Gegend im mittleren Granitzthale,
2 Siehe Urkunde vom 2. April 1145.
3 Herzog Ulrich II.
4 Erzbischof Eberhard II. von Salzburg, 1200–1246.
5 Lichtenberg oder Lichtenwald in der Pfarre Lam auf der Saualpe, Bezirk Völkermarkt.
6 Ueber letztere vier Namen steht ,de Ramensteine‘, Rabenstein bei St. Paul.
7 Hundsdorf, ebendaselbst.
Places
- St. Paul
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}