Ha^ertneid von Weyzzenekk erklärt, dass ihn Abt Konrad von St. Paul ,ze ainem verhörer gesatzt hat an seiner stat, als im das frag vnd vrtail gepracht hat von seinen lehens mannen umb die güter in der Reifnik gelegen vnd den zehent am Remsnik, darvmb er hern Vlrich von Stubenberg ta^eg für sich vnd für sein lehensman geben hat, als ir payder zewgbrief sagent, wie es die herren vor meinen herren dem hertzogen erfunden haben. Da cham der obgenant Stubenberger fu^er vnd sprach, er wolt den Abt ermanen vnd im die gu^eter berechten, daz war ain landtz recht vnd wolt die lehensman nicht darumb fragen lassen, was des Landes recht war oder nicht. Da sprach der egenant abt, sy hietten ze paider seyt zewgbrief von meinen herren dem hertzog, wie es die herren ze Wienn vor im erfunden hietten vnd den tag her in fur sein lehensman geschoben hietten, daz man die las, da wolt der Abt ninndert auzztretten, vnd waz da sein lehens man ze ainen landesrecht erfunden, wie in der Stubenberger manen sol, da wolt er gern bey beleiben. Da wolt ich sein lehensman gefragt haben nach des landes recht. Da wolt der Stubenberg die lehensmann nichtes fragen lassen vnd gieng an alles end davon‘. 

Original dating clause: Geben ze Marchburch an Suentag nach vnser frawn tag¹ a. d. M^o. CCC^o.LXXVI^o.

Language: Deutsch

Notes: