Kaiser Friedrich bezeugt, dass er zur Entscheidung des Streites zwischen dem Abte Johann von St. Paul und Jorg Obdacher, Pfleger zu Mernberg, ,von desselben abbts und seines Gotshauss leut und guter wegen in dem lanndgericht daselbhin gen Mernberg gehorend gesessen und gelegen, in dem daz die bemelten leut oder auf denselben gütern ettwieofft sich sachen tu^on oder pegeben, die ain tail schedlich schetzet, der annder nicht, oder daz derselb Abbt die sein meinet vnschuldig ze sein‘, einige seiner Räthe verordnet habe, welche in Gegenwart beider Parteien entschieden. ,Von erst als ain frey¨ung von vns demselben Abbt und seinem Gotshaus gegeben innhalt, ob sich icht auf desselben gotshaus grunten und gutern in vnserm lanndgericht daselbs zu Mernberg gelegen von irn oder anndern auswendigen leuten schedlich sachen pegeben und darauf gehanndelt wurden, wie sich das fuegte, daz dann unser lanndrichter daselbs zu^e Mernberg noch yˆemand annder von vnsern wegen darauf nach sölhen schedlichen leuten nicht greifen sullen in dhain weg, sunder dieselben schedlichen leut schullen durch des gotshaws anwalt demselben vnserm lanndrichter alsofft sich das begibt, darob geantwurt werden an alle widerred, als die mit gurtel vmbfangen sein und nicht annders vngeuerlich. Ist beredt, wo ein anklager gen ainem erscheint oder ain lannd oder dorff beruffter oder aber sunst ain beschrierner von erbern leuten auf desselben gotshaus grunnten in dem bemelten lanndgericht gelegen kumbt, der durch das lanndtgericht eruordert wirdet, daz der alsdann in massen als vor stet ab den gruntten geantwurtt und gen im gehanndelt sol werden, was recht ist, damit die vbeltat nicht vngestrafft beleiben; doch also daz der lanndrichter daselbs zu Mernberg vm khaynerlai tat, so sich durch des benanten abbts und seins gotshaus leut auf desselben gotshaus grundten begeben, dieselben leut weder auf denselben grundten als vor stet noch sunst in dem lanndgericht zegreiffen, sunder die wie bemelt ist zeeruordern habe. Begeb sich aber, daz des benanten Abbts und seins gotshaus leut ausserhalb desselben gotshaus gruntten in dem benanten lanndgerieht ichts schedlichen sachen hienndeln und darumb angeclagt, berufft und peschriern würden als vorstet, und ab denselben grundten sunst an dasselb lanndgericht kemen, darnach mag der lanndrichter, die weil sy darab sein, vneruordert des bemelten Abbts oder seins anwalts wol greifen und gen in hanndeln was recht ist. Es ist auch furgenomen, daz der benant Abbt dadurch, daz die so als vorstet beschuldigt werden, destminner wechen albeg sein anwalt auf denselben grunnten oder in nahent dabey sol haben, von dem solh eruordrung sol beschehen. Geschech des aber nicht, so mag der lanndrichter daselbs zu Mernberg selbs auf den bemelten des gotshaus gruntten sölh schedlich leutt petretten und verhuetten vntz so lanng, daz des egenanten Abbts anwalt khuˆmbt und im die ab den gruntten antwürt vngeuerlich. Dann als der Obdacher yetz ain in seiner ve¨nnkchnuss hat, genant Zustess, ist betedingt, daz er den ledig lassen und der bemelte Abbt in dartzu^o halten sol, daz er vmb die tat, an sein sun begangen, gen got ain pillich abtrag tu^o. Es sol auch der egenant Obdacher den Loden, so er daselbs zu Mernberg in dem lochstamph verpoten hat Micheln dem Platet desgleichs aus dem verpot lassen. Da engegen derselb Abbt bestellen sol, wo man dem bemelten Obdacher und seinen leuten schuldig, darumb er brief vnd sigel hat, oder des man im sunst anlangen ist, daz er seiner schuld furderlich entricht vnd bezallt werde‘.$$Geben zu Gretz am Eritag s. Mathias abent a. d. etc. LXII^o. unsers Kaysertumbs im zehenden Jare. Commissio domini Imperatoris in consilio. 

Original dating clause: am Eritag s. Mathias abent

Language: Deutsch