Ich Hanns Matz der Elter Hannsen Matz(e)n seligen elicher sun bekenn mit dem offenbrief furmich vnd all mein erben tun kundt allermeniglich(e)n Als mein lieber Swager Vrban Weger seliger jn merklich geltschuld komen ist dieselbn schulde mitsambt den scheden auszericht(e)n vnd ze bezalen damit Barbara des benantt(e)n Vrban(en) wegen eliche dachter nicht zu grossern scheden vnd v(er)derben komen mocht(e)n hab ich als ain volmechtiger vnd gewaltig(er) Gerhab vnd vorgeher Barbara des be_nannten Vrban Weger Elichen dochter mit v(er)aintem wolbedachtem mut guten willen zu den zeiten do ich das mit recht wol getun mocht vnd vollen gewalt hier zetun recht redlich(e)n vnd vnu(er)sprochenlich(e)n zu aine(m) ewigen stetten() vnd richtigen kauf kauflich(e)n v(er)kauft vnd zekauff(e)n geb(e)n habe vnd gib auch wissent_lich(e)n mit kraft des briefes der edel(e)n frawen dorotheen Cristann des Rosenhaymer seligen wittib jren kinden vnd erben diese hernachgeschriben stuk vnd gu+ett(er) mit nam den hofe ze Afritz den man nennt das Stainhaws vnd sind zway gese+ess mitsambt dem pawmgart(e)n dabey vnd mit aller annd(er) sein(er) zugeho_rung jt(e)m vnd den Annger enhalb des pachs den man ennt die Za+enitz(e)n vnd den ackker in dem Ramp der so stoszt an den sannt das auch alle freyes aig(e)n ist vnd dy yetzbemelt(e)n stuk vnd gutt(er) hab ich obgenannt(er) Hans Matz vnd an statt des bemelt(e)n kindes Barbara des ben(an)ten Vrban Weg(er) dachter der ben(an)t(e)n frawen Dorotheen jren kinden vnd erben() gancz vnd gar mit allen jren zugehorungen() vbergeben eingeantwort vnd gewaltig gemacht aus vnnser obgenannt(e)n Hannsen Matz(e)n vnd Barabara vnd aller vnser erben nutz vnd gewer jn der benantt(e)n frawen() Dorotheen Rosenhaim(er)inn jren kinden vnd erbenn() nutz vnd gewer gewaltsam mit allen den er(e)n recht(e)n nutz(e)n zinsen gulltt(e)n vreihayt(e)n altemherkom(m)en vnd gut(e)n gewohnhait(e)n vnd mit allem dem so von allter vnd yeczund darzu gehort besucht vnd vnbesucht gepawen vnd vngepawen ze haws ze holtz ze velde ackker waid wismad rain perg pueh(e)l wasser stock oder stain mit jnuart ausuart pigemerkt(e)n vnd mit aller zugehorung nichts ausgenom(m)en jn aller masse aldann die ben(an)tt(e)n stuk vnd guett(er) alle mit allen iren zugehorung(e)n vnd gerechtikaitt(e)n an vns gelanget sein vnd als wir die in nutz vnd gewer jnngehabt genossen vnd herbracht haben Si haben vns auch die obberurt(e)n stuk vnd gutt(er) mit allen jren()zugehorung(e)n gantz vnd gar wol v(er)golten vnd berait bezalt vnd vnns namlich(e)n dafur geb(e)n hundert gulden() vnd zwaintzig guld(e)n jn golde vnger vnd ducaten() nach allem vnser(e)n willen() vnd geuall(e)n an all vnnser mw+ee vnd scheden daran vns yezund vnd hinfur ewiglich(e)n wol benugt Also das wir obgenannt Hanns Matz vnd Barbara noch all vnser erben() noch annd(er) yemand von vnnser(e)n wegen() darauf nach darnach furbas ewiglich(e)n nichts mer zesprech(e)n noch ze vord(er)n haben sullen() wellen(n) noch gewinne(n) mugen() weder mit gestlich(e)n noch weltlich(e)n rechten() noch mit kainen() annder(e)n sachen() noch aufsetz(e)n in dhain weise wie man() dy wider sew erdenken oder furgenemen() mocht das sullen() sy allzeit an aller stat gen vns behabt vnd wir gen() jn v(er)lor(e)n haben() wann wir vnns vnd all vnser erben der obgenantt(e)n stuk vnd guter mit allen() jren() zugehorung(e)n gantz vnd gar entslagen() vnd verzigen() haben vnd v(er)zeihen vns auch der aller wissentlich(e)n jn krafft des briefes Also das die benannt fraw Dorothea Rosenhannerjnn jr kinder vnd erben hin fur ewiglich(e)n damit hanndeln() vnd tun sullen() vnd mugen() als mit annder(e)m aigentlich(e)n gut an vnser aller vnnser erben() vnd meni_gleich jrrung vnd widersprechen() Wir geloben jn auch dei bemelt(e)n stuk vnd guter mit allen() iren() zugehorungen() getreulich(e)n freyen vnd schermen() fur all jnuell vnd ansprach vnd sew an aller stat vor geistlich(e)n vnd weltlich(e)n recht(e)n v(er)trett(e)n vnd darumb v(er)antwort(e)n an all jr mw+ee vnd scheden auch jr gewer vnd furstandt sein wo wann() vnd wieofft in des not vnd durfft geschicht Als dann() solchs kaufs aigens vnd lanndes recht ist Ob aber ich obgenannt(er) Hanns Matz die benannt Barbara vnser erben() od(er) annd(er) yemand von vnser(e)n wegen der ou+enct vnd artikel ainen() oder mer so in dem brief geschrib(e)n stent vberfur(e)n dawider tatt(e)n vnd nicht hielt(e)n welchen() schaden des die benannt fraw Dorothea Rosenhaim(er)jnn jr kinder vnd erben() die men(en) wie derselb schade furgenomen() od(er) genant mocht werd(e)n dhaine(n) schaden() ausgenomen() den jr ains oder jr selchter scheinbot an ayde vnd an all annd(er) bewerug gesprech(e)n mag jr ains slecht(e)n wort(e)n darumb zegelaub(e)n denselb(e)n schad(e)n allen() zu sambt dem haubtgut sullen vnd wellen() wir jn gantz ablegen() vnd widerker(e)n auf jr volliges benug(e)n an wid(er)rede Vnd sull(e)n sy das alles hab(e)n vnd bekomen() haubtgut vnd scheden() zu vns vnnser(e)n trewen() vnd darzu auf aller vnnser hab vnd gut so wir yezung haben gewinne(n) vnd hinder vnnser lassen Es sey erb erbschaft aygen lehen aufligund vnd varund gut besucht vnd vnbesucht wo das jnner od(er) awsserlanndes gele_gen ist nichts ausgenomen() vor allen anndern erben vnd geltern() vnd vor menigleich Von derselb(e)n aller vnser hab vnd gut sol sew hanthab(e)n vnd zahlhaft machen ain yeder lanndesfurst vnd herr(e) sein hawbtman(n) pfleg(er) richter od(er) anwalt darunder vnser hab vnd gut geleg(e)n ist wo vnd wann() sew mit dem brief darauf weisen od(er) zaigen an klag vnd an alles berecht(e)n Ob aber wir icht elter brieff hiett(e)n vber die ob_benanntt(e)n stuk vnd gut(er) lawtent dieselb(e)n brieff sullen() vnd well(e)n wir jn vbergeb(e)n vnd einantwort(e)n zu iren() hannd(e)n vnd ob hinfur icht ellter brief vnd vrkund funden wurden() vnd furka+emen() die dye obgenantt(e)n stuk vnd gut(er) berurt(e)n welcherlay dy wer(e)n sy wern wissund oder vnwissund v(er)halten die selb(e)n brief sullen() alle tod vnd absein vnd kain kraft wider den gegenburtig(e)n brieff haben wo der furkumbt vnd gelelsen wirdet Vnd des zu vrkund der warhait Geb ich obgenannt(er) Hanns Matz der benant(e)n frawen Dorotheen Rosenhaimerjnn jren kinde(e)n vnd erb(e)n den offen brief besigelt(e)n mit des edel(e)n Martein Zungl wonhaft zu Gmund vnd des erber(e)n vnd weisen Gregorien() Trib(e)l ambtman daselbs paider anhanngen(e)n jnsigel(e)n dy sew durch meiner vleissigen() petwill(e)n an den brief gehanden hab(e)n Doch jn paid(e)n vnd allen jren erbn an schad(e)n Darunder jch mich mit meine(n) trewen() fur mich vnd fur das benantt kind Barbara des benant(e)n Vrban() weg(en) selig(e)n docht(er) als ain valmechtiger gerhab vnd fur all vnser erb(e)n v(er)pinde Alles das stet ze halt(e)n das der brief lawt vnd jnnenhelt zewg(e)n vmb pet bayder jnsigel sind die erb(e)n vnd weisen Michel Kram(er) diezeit Burg(er)maist(er) zu Gmund vnd Heinrich Raffeysen burg(er) vnd Arnolff Stalh(er) Statschreib(er) daselbs Geb(e)n nach vnsers h(er)n Xristi gepurt viertzehenhundert vnd jn dem(e) sechzigistem jare an pfintztage vor sannd Bartelmes tag des heiligen zwelfboten()

Source Fulltext: Ulrich Seelbach (Bielefeld)