Ego Ditricus de Dobra tenore presencium significo tam presentibus quam futuris, quod, cum temporibus venerabilis domini Friderici Gerstensis ecclesie abbatis inter ipsam ecclesiam Gerstensem et parrochiam sancti Petri in owe de quibusdam Decimis sitis in paruo waitenperge lis verteretur, ipsam uexationem redemj presentibus viris ydoneis per hunc modum, quod ego renunciaui omni iuri, quod in Curia quadam sita infra forum sancti Petri et montem sancti Michahelis, quam frater meus Heinricus ecclesie Gerstensi donauit, nec non in Decimis Nivstift, quas ad tempora vite mee possedisse debueram, michi conpetere videbatur. Prefatus quoque dominus Fridericus abbas ac suus conventus renunciauerunt omnj iurj ac actionj, que in predictis Decimis in paruo waitenperge ipsis ac sue ecclesie conpetere videbatur. Et ne predicta Gerstensis ecclesia in posterum per meos successores sev heredes in predicta Curia vel memoratis decimis in Nivstift possit grauari per calumpniam sev vexari, presentem litteram in testimonium scribi et sigillo meo feci muniri. Datum in Styra anno M. CC. LXXI. proxima feria V. post festum beatj Nicolay. Huius rei testes sunt hii: Milites Heinricus et Chvnradus fratres de Hag, Marquardus et perhtoldus fratres dicti Prevhaven, Dvringus Schekho, Otto de Osterberch, Serui vlricus et Marquardus fratres de Tvrsendorf, vlricus filius Schekhonis, Josep, Otto de Erln et alii quam plures.

Source Fulltext: OÖUB 3 (Wien 1862) S. 383-384, Nr. 416