Ich Lee der Richtoer vnd der Ra´t vnd di pesten von der stat ze Lintze wir tv^en chvnt allen den, (die) disen brief ansehent, daz wernhart am vrvar vnser Purgaer ainer von der stat den waeingarten an dem Geblinger, der da der Phennich haizzet, den er verchavfet vnd gegeben hat dem Erwerm abbt Gotschalchen vnd dem Goteshav°se da ze Goersten, sol losen An sant Maerteins tach, der nv schierist chv^eftich (sic) ist, vmb zwai miner draeizich phvnt pbennige vnd fv^er alle ansphrach, di von wernhartens wegen dazv^e cho^emen, vnd swa daz niht geschiht vnd ob auch daz Goteshav°s chain schaden an seinem Lesen des selben waeingaertens hev°r nimt von wernhars schulden, des got niht enwelle, so sv^eln di vier, di hie genant sint, vnser Purger an dem Anderm tag nach sant Maertins misse, der nv° chv°mftich ist, da ze Steyre invaren vnd niht au^ezchomen, vnz daz der waeingart von aller ansprach ledich werde dem Goteshav°s da ze Gaersten vnd auch sein schad abgetan werde vnd aůch gelobet ist, swaiz an an ainem an der rede abget, daz sol daz Gotshav°s aůf dem anderm haben. Die vier Purger, di daz gelobt habent, sint genant Her vlrich der mav°ter Seibot hoentil, Herwort der Lietnoer vnd er selbe wernhart am vrvar vnd ist der rede vnd des gelobes zev°ch, di hie sint genant: Joseph des abtes pruder vnd ditmar der Schachnoer vnd Erchenger der Svlzer vnd wlfinch von weinperch, Otte der Snaytoer, Gotschalch des abtes swester svn, Otte renzle, Hainrich der mv°tar, Hainrich der Prantoer, Hainrich vrowen tv°ten svn, vlRich sin průder, Hainrich der Habrv°nnoer, vlrich vnd Hainrich vnd wernhart des Prantoeres sv^ene vnd ander pidwer lev°tte genv^ech. Diser brief ist gegewen nach christes gebv^ert, do ergangen sint Tavsent jaˆr zwai hvndert jaˆr vnd ainz vnd Nav°zich jaˆr An dem Svntage vor sant Marien vnser vrowen tag, do si av°ffv^er ze himel, vnd hab ir daz bestaetiget mit vnser states insigel.

Source Fulltext: OÖUB 4 (Wien 1867) S. 154-155, Nr. 167