Ich Hainrich von Lonstorf vnd mein Hausvrowe Alhait vnd vnser paider Erben, iz sein Su^en oder Tochter, wi di genant sint, veriehen offenleich vnd tv^en chunt an dem Prief allen den, di in sehent oder horent lesen, Daz wir mit verdachtem mv^et vnd mit gu^etleichem willen Ruegern dem hayden vnd seiner Hausvrowen Gedraůten vnd irn paiden Erben, iz sein Sv^en oder To^echter, versaczt haben vnser Hueb, di gelegen ist datz Moln pei der Chirchen mit dev, vnd dar zů geho^ert, ze holtz vnd ze veld fu^er Syben phunt phenning wienner Mv^enzz vnd sol di losung sein alle jar an vnser vrowen tag zter Liehtmess mit vnserm aygenhaften gu^et vmb di Syben phunt phenning vnd waz Rueger der Hayden da paut auf dem gu^et vber den satz vnd iz im stet, daz sulle wir im vnd seiner Hausvrowen vnd i^ern Erben wider Chern nach zwair pidermann rat. vnd dar vber ze einem vrchu^end der warhait gib ich vorgenanter Hainrich von Lonstorf disen Prief versigelt mit meinem anhangunden Insigel vnd dar zu^e einem gezevg mit Jansen des Rauscher Insigel zter zeit Purgraf ze Steyer. Der Prief ist geben nach Christes Gepurd vber Drevtzehen Hundert jar, darnach in dem zway vnd viertzkystem jar des Su^enntages nach sant Jacobs Tach.

Source Fulltext: OÖUB 6 (Wien 1972) S. 421, Nr. 416