ICH Weynmar der Tewrwanger purger ze Steyer, ich Chu^enigunt sein hausfraw und unser paider erben wir vergehen, daz wir gegeben haben dem gotzhaus ze Gersten unser guet genant datz O^ed do Jans zden zeiten aufgesezzen ist in Chemnater pfarr gelegen, und ist new^en schilling wienner plening geltz zway iaschanghu^eener und ein gans also beschaidenleich, daz man mir alle jar jerleich meinen und meiner fardern jartag begen schol ains in dem jar dez nachsten tags nach sand Merten tag unvertzogenleich mit einer gesungen sel(mess) und mit einer gesungenn vigili den seln und allen gelaubigen seln ze hilff und ze trost, und darum schol den herren in di oblay gefallen ain pfunt pfenning auz dem obgenanten gelt und dem guster schu^ellen gefallen di u^ebrigen dreisk pienning, der schol darum leihen zwelf chertzen di pey der vigili und pey der selmess prinnen, und dem oblayer schu^ellen gefallen di zway huener und di gans fu^er sein mu^ee. Wa^er awer daz, daz di fargenanten herren sawmig waeren und ja^erleich den jartag nicht begiengen alz oben geschriben stet, so schu^ellen mein frewnt dem abbt datz Gersten wer di weil herr ist daz chund machen, und der schol sich denn dez guets daz ich um den gotzdienst gegeben han underwinden und daz intziehen in di abtay als lang untz daz der gotzdienst gantz und gar wider folpracht werd. Und daz di mainung also stet und unverchert hinfu^er beleih, daru^eber geben wir ich Weynmar der Tewrwanger ich Chunigunt sein hausfraw und all unser erben den prief versigelten mit meinem Weynmars anhangunden insigel, und zu einer pezzern sicherhait und gedechtnuzz versigelt mit dez erbern mann Jansen dez Tungozzinger anhangunden insigel. Der prief ist geben do man zalt von Christi gepuerd drewtzehenhundert jar und darnach in dem newn und sechtzkisten jar dez samstags vor sand Giligen tag.

Source Fulltext: OÖUB 8 (Wien 1883) S. 431f., Nr. 436