Wier Niclas von Gots genaden abbt ze Ga^ersten verjehen, umb die scha^eden di wir mit mu^ee und mit zerung genomen haben von der ansprach wegen die der erba^er geistleich man prueder Chunrat von Ratenhasla^eh zder zeit hofmaister ze Chrembs von seines gotshauzz wegen hat gehabt auf unsern werd der gelegen ist in der Tuenaw zena^egst vor unserm hof ze Chrembs, davon er nu ist beweist warden mit ervarna^er chuntschaft daz er und sein gotshaus mit recht nichtz daran gehaben möcht und uns ze unrecht irrung darinne ertzaiget und so verr, daz er uns und unserm genanten gotshauzz denselben werd mit allem dem und darzue geho^ert wie so daz genant ist nach erberer la^ewt rat und beweisung hat vrey und ledig lazzen gancz und gar also, daz er und aller sein convent von seines gotshaus wegen dhain ansprach nicht mer fu^erbaz darauf haben schu^ellen in dhainen wegen alz wier des prief und urchund von im haben. Darumb wier auch nach erberer lewt rat und gepet all scheden wie so die genant sind di unser egenantz gotshaus hat davon genomen ablazzen, und sagen in und sein gotshaus der gancz und gar ledig also, daz wier fu^erbaz dhain ansprach hincz in nicht mer haben schu^ellen. mit urchu^end des priefs der mit unserm anhangunden insigel ist versigelt, und ist des zeug mit seinem anhangunden hofinsigel der ersam geistlich man prueder Hainrich von Allderspach zder zeit hofmaister ze Gnewssendorf der der sachh ta^eydinger ist gewesen mit andern erbern la^ewten. Daz ist geschehen ze Chrembs nach Christes gepu^erd drewtzeheuhundert jar und in dem ains und sybentzkisten jar an sand Veytz tag.

Source Fulltext: OÖUB 8 (Wien 1883) S. 528f., Nr. 534