ICH Perchtolt der Tawba^er an dem Aygen zder zeit richter ze Ga^ersten und all mein erben wier verjehen umb daz guet genant in dem Grabe^eh gelegen in Ha^edershofer pfarr daz unser ledigs und vreys aygen ist, daz wir daz selb guet mit allen den eren rechten und nu^etzen wie so daz genant ist so von alter durich recht darzue geho^ert ze holltz und ze veld besuecht und unbesuecht wolbedacht mit gesampter hant unser und aller unsrer erben gůetlichen willen und wart haben ze chauffen gegeben aus unsrer nutz und gewer dem erbern mann Haunolten dem Ra^ewtter zder zeit lantrichter niederhalb der Ens und seinen erben in ir nutz und gewer ledichleich umb ein gelt des wir an all scha^eden von in gantz und gar gewert sein und verricht in solher maynung, daz wir fu^erbaz auf daz selb guet chain ansprach nicht mer haben mu^egen noch haben schu^ellen in dhainen wegen, und schu^ellen des auch ir gewer sein fu^er all ansprach wo in durfft geschiecht nach dem landes recht ze O^esterreich. Ta^et wir des nicht oder gieng in an der selben gewerschaft ichts ab davon si schaden nemen, denselben schaden schu^ellen wir in wie so der genant ist aller ding ablegen und widercheren, daz schu^ellen si haben datz unsern trewn und darzue auf aller unsrer hab wie so di genant ist di wir haben, und desselben schaden davon becho^emen daz wir chain widerred nicht dakegen haben schu^ellen in dhainen wegen. daru^eber zu ainem waren urchu^end gib ich vorgenant Perchtolt der Tawba^er den prief mit meinem anhangunden insigel versigelt, und sind des zeug mit iren insigeln di erbern Herman der Mulrieder und mein swager Lewtwein der Schikch purger ze Steyr. Der prief ist geben nach Christes gepu^erd u^eber drewtzehenhundert jar darnach in dem ains und sibentzkisten jar an sand Erhartz tag.

Source Fulltext: OÖUB 8 (Wien 1883) S. 503f., Nr. 509