ICH Tomas dir Hayden mein hawsfrawe und all unser erben wier verjehen, umb alle unserew gůeter die wir haben in dem Molntal gelegen segchs gu^eeter in der Garnweit, aines daz genant ist duz Horlant und den hof zenengst gelegen pei der chirichen dacz dem Moln mit den segchs hofsteten protpenkchen und fleishtischen so dar zue geho^ert, daz alles mit einander unser lehen ist von der herschaft ze Steyr darinne si gelegen sind, daz wier di selben gueter alle zu sampt dem hof mit allen den eren rechten nu^etzen und gesu^echen di durich recht dar zue geho^erent alz wier die und auch unser vorvodern selig in nucz und in gwer her von allter pracht haben, mit gesompter hant ze fu^erzicht mit herren hant und mit aller staet haben gegeben ze chauffen dem erbern ritter hern Micheln dem Utendorffer und dem ersamen Niclasen dem Juden und allen ier paider erben umb ain gelt des wir von in gaenczleich gewert und verricht, und ist daz geschehen in sogetaner maynung, daz wier der selben gu^eeter aller schu^ellen ir gewer sein fu^er alle ansprach wo in des durfft geschiecht. Taet wier des nicht, nemen si des icht da von dhainen schaden wie so der genant wa^er dem ier aines mocht gesprechen pei seinen trewn an allz recht und slechtleich an geva^er, den selben schaden allen schu^ellen si haben auf uns und auf aller unser hab. Und dar u^eber zu ainem urchu^end geben wir in den prief, ich obgenanter Toman der Hayden und ich Go^etfrid der Sinczenpeger mit unser paider anhangunden insigel besigel', und besta^etigt mit des erbern herren insigel hern Albrechten den Ottenstainer zden zeiten purckraf ze Steyr mit des hant die selbe handlung ist geschehen. und sind des zeug mit iren insigeln durich unser gepet willen der erber ritter her Stephan der Schekch und Hainrich der Chersperger. Der prief ist gegeben nach Christs gepu^erd u^eber drewczehenhundert jar dar nach in dem zway und sibenzkizsten jar des na^egsten sunntags vor mitten vazsten.

Source Fulltext: OÖUB 8 (Wien 1883) S. 575f., Nr. 574