Wir Nikla von Gocz genaden Abt ze Gersten vergehen und tun chund mit disem brief vmb daz Haws daz wir gechauffet haben von Gotfriden dem Sinczenperger daz weilend des Rauscher gewesen ist vnd gelegen ist ze Steyer in der Stat im Grymört vnd daz da dint XVIIJ wienner denar ze purkrecht dem goczhaus zu dem Spital an dem Pi^eren dew man ym alle iar Raichen sol wir vnd vnser nach chömen an sand michels Tag. war aber daz wir daz voruerschriben Haus verchaufften oder von vns geben swye sich daz fu^eget der Handel sol sich ergen mit eins Herren Hant zu dem Spital vnd sol auch dann derselbig man dem wir daz Haws geben, daz obgenant purkrecht Raichen in allen den Rechten alz wir daz ze Raicht haben (sic) vnd alz daz Goczhaus zu dem Spital Recht hat. Daz daz also stat vnd vnuerchert peleib dar vber geben wi^er den Brief versigelten mit vnserm aufgedrukchtem Jnsigel. Geben am Montag nach sand Merteins Tag in dem Achczigistem Jare.

Source Fulltext: OÖUB 9 (Wien 1906) S. 897-898