C. In nomine sancte et indiuidue trinitatis patris et filii et spiritus sancti amen.Otakerivs dei Gratia Stirensis MarchioOmnibus Christi fidelibus in perpetuum.Quoniam omnium memoriam habere et in nullo penitus peccare potius est diuine maiestatis quam humane uirtutis, Ea que fiunt in tempore, ne labantur cum tempore, poni solent in ore testium et conmendari scripturarum memorie,Qua propter nos Otakerius dei gratia Marchio Stirensis presentibus et futuris casibus preuidendo ad notitiam uniuersorum presentes litteras inspecturis volumus peruenire, quod quidam nobilis de conditione maiori Arnhalmus nomine illustratus gratia spiritus sancti in remedium anime sue in suo Predio, quod Glunick dicitur, Cenobium sub regula Sancti Benedicti, nigri scilicet ordinis cogitauit instituere, Sed quod pio animo concepit, opere non conpleuit, Eo quod prius uiam vniuerse carnis domino uocante est ingressus vidensque se ex hac luce debere subtrahi, filium suum nomine Pru/ononivm exorauit, ut tanquam sapiens filius, de quo iuxta Salemonem pater non inmerito gloriatur paternum propositum adinplere non negligeret, qui tanquam deuotus filius peticioni patris annuens manum ad fortia misit et in dicto loco Conuentum religiosorum fratrum, in quantum potuit, instituit militantem sub regula Beati Benedicti pariter et Abbate. Et ut ipsum Monasterium inmunitatem plenariam reciperet quaruncumque inivriarum, siue quod esset a potentum obpressione secura et libera et quia in temporalibus minus satisfacere potuit, Eandem Ecclesiam cum omnibus pertinentiis suis in manus nostras et filii nostri Livpoldi donatione legitima nulla penitus exceptione obuiante tradidit sub tali condicione videlicet, ut eandem Beato Petro apostolo nec non sancto Georgio Patronis Ecclesie babenbergensis delegantes, ibidem Conuentus nigri ordinis sub regula et abbate haberetur perpetuo, Hoc etiam adiecto, quodcumque (sic) dictum Monasterium suarum rerum detrimentum incurreret, nostre pietatis largitas deuote augmentaret et suppleret. Predicto itaque Prvnonio ad suam peticionem aures comodantes benevolas dictam delegationem fecimus in manus venerabilis domini nostri Ottonis babenbergensis Ecclesie Episcopi de consensu nichilominus domini Regenemari Patauiensis episcopi, in cuivs Dyocesi Monasterium dictum, est constructum.Preterea eidem Ecclesie libertatem ac ivra specialia ad incrementum diuinorum concessimus inconvulse et statuimus Ministerialibus nostris atque aliis cuiuscunque nominis, auctoritate presentium liberam dantes facultatem, quecunque pheoda uel beneficia censualia a nobis habent, si memorato Glunicensi Cenobio pro salute suarum animarum uoluerint dare uel quoquo modo contradere, ab eodem Monasterio possideantur quiete et pacifice inperpetuum ivre proprietario. Insuper in speciale argumentum nostre deuotionis, quam habemvs ad sepe dictum Monasterium, cuiuscumque conditionis nostris hominibvs indulgemus, ut cum hominibus Glunicensis Cenobij vicissim matrimonia contrahant non obstante iure hereditario patrimonij uel beneficij cuiuscumque, quo tali occasione nolumus, ut priuentur. Curam aduocatie super omnibus rebus eiusdem Monasterii tarn mobilibus quam inmobilibus nobis specialiter et posteris nostris reseruantes. Subaduocatum aree sepedicti Monasterij constituimus et ordinamus unum de filiis supradicti Prunonij, quem Abbas et Conuentus eiusdem ecclesie magis duxerint eligendum, Qui subaduocatum aree tantum non aliarum rerum uel bonorum Glunicensi Cenobio attinencium humiliter se recognoscat tanquam ille, qui uocatus est in partem sollicitudinis, non in plenitudinem potestatis. Specialitatem ac iuris tramitem in culparum depensionibus talem hunc habere uolumus, ut, siquis hominum memorati Cenobij de effusione sanguinis conuictus fuerit, eidem Sexaginta denarios tantum soluat, De satisfactione minorum culparum pariter et maiorum siue quacunque pena pecuniaria uel ciuili memorato Monasterio responsurus integraliter, adicientes nichilominus supradictis, si aduocatus aree Cenobij sepedicti iuris sui tramitem excesserit quoquo modo, ipso facto a iure suo, si quod prius habuit in Cenobio memorato, irreuocabiliter sit exclusus. Item de consensu et rogatu dicti Prunonij confirmamus eidem ecclesie, ut omnis homo nominis cuiuscumque ea, que a Prunonio et posteris suis nomine pheodi uel iure hominij habuerit, memorato Glunicensi Cenobio libere conferat. Et ut in sepedicto Monasterio cultus diuini nominis crescat et augeatur, ad honorem dei Omnipotentis nec non Beati Andree apostoli patroni Glunicensis Monasterij in pium fauorem conuersi quedam Pheoda in Pirno monte, quibus nos et progenitores nostri ab Ecclesia babenbergense ex antiquo fuimus inpheodati, que infra suorum nominum tytulo duximus conscribenda, in manus venerabilis domini Ottonis babenbergensis episcopi tradidimus sub hac forma, ut nostra inpheodacio ab eodem episcopo venerabili manumissa in ivs proprietatis cederet Monasterio Glunicensi. Bona autem et nemus, quod cum suis attinenciis ecclesie contulimus et tradidimus memorate, non indignum duximus nec inutile adnotanda, videlicet siluam quandam In Windischgersten sitam, que Chaeiserawe nuncupatur, terminis istis ueris et legitimis euidenter expressis, videlicet a monte wurchogel in uno latere montis ipsius directim per uallem usque ad montem Langwat, Secundum descensum pluuialis aque per totam Avgyam vsque in Tyecha, Et a monte Langwat secundum descensum riui et uallis ipsius montis usque in Tyecha descendentia, Et a fluuio Tyecha usque ad Sepah, Et per riuum Sepach sursum usque ad stagnum, Et ipsum stagnum, de quo nomen sumpsit der Sepach. Et a stagno sursum ad lacum Lawen, Et a lacu Lawen usque per fontem, Et a fonte per rupes que dicitur Thorstaein, Et a Thorstaein sursum usque ad Willese, Et a Willeme usque in Pirnse deorsum, et a Pirnse secundum descensum riui Tyecha directim per totum montem Swerzenperch infra et supra culta et inculta, cum alpibus usque in Sepach. Insuper alterum montem, qui dicitur Gvolch, et Salinam, que in ipso est, et omnia hinc et inde ex latere montis undique iacentia, Et supra ipsum montem Gvolch siluam totam cum vtilitate, que ibi nunc est aut perpetuo fieri poterit. Et ut omnia, que in priuilegium speciale sepedicte ecclesie tradidimus et contulimvs, permaneant inconuulsa et quieta, presentes litteras nostri sigilli munimine duximvs roborandas, Subnotatis nichilominus testibus, Otto venerabilis babenbergensis Episcopus, Regenemarus Patauiensis episcopus, Haeinricus Tvmprepositus babenbergensis, Vlricus Decanus eiusdem ecclesie, Sigehardus Abbas Gerstensis, Fridericus abbas in Systansteten, Livpoldus Marchio Stirensis filius noster, Rvdolfus de Perge, Vdalricus de Willehringe, Gotfridus de Agest, Gotsalchus de Hvonsperch, Fridericus filius eius, Otto de Machlande, Walchunvs et frater suus Chvnradus de Svnnelpvrch, Haeinricus et frater suus Hartwicus de Pvrchstal, Ernesto et frater eius Adelrammus de Traeisme, Otto de Haselpach, Perhtoldus de lpfe, Rvdolfus Renherius de Stier, Pruno et filius suus Willehelmus de Glůnick, Starfridvs de Wirblize, Ditricus de Stapheiarn, Engelschalcus de Egelpach, Otto et filius eius Duringvs de Fvstrize, Wigant de chlamme, Arnolt de Wartenpvrch, Vdalricus de Lochhůsen, Gvndelbertus de wiestra, Alttemannus de haderichshouen, Adelram de vrla et frater eius Egeno, Haertwicus Povm, Hij quidem et alij liberi cum conpluribus Ministerialibus.Acta sunt hec Anno Dominice In Carnationis Millesimo Centesimo Vicesimo Quinto, Indictione sexta Sub Lotherio Rege Romanorum, Primo Anno regni eius, Regnante domino nostro iesu christo in Eternum feliciter Amen. Data apud Castrum Stir per manus Wolfgeri Notarij. Amen.

Source Fulltext: OÖUB 2 (Wien 1856) S. 165-168