C. In nomine sancte et indiuidue trinitatis patris et filii et spiritus sancti amen. Altemannus dei gratia Paiauiensis episcopus et apostolice sedis legatus cunctis christi fidelibus imperpetuum. Officii nostri ratio id postulare uidetur, ut iuxta apostolum sapientibus et insipientibus debitores effecti dominici tritici mensuram conseruis deuote dispensemus et tam fidelium laicorum quam etiam christi ecclesiarum vtilitatibus uigilanter insudare curemus. Vnde notum facimus unctis christi fidelibus tam futuris quam et presentibus, quod nos vniversorum conmuni consilio canonicorum videlicet atque Ministerialium nostrorum conmutationem fecimus cum inlustri marchione Stirie Otakkerio pro conmodo Sancte pataviensis ecclesie, cui indigni deo fauente presidemus; Ipse quippe Marchio respectu christi Sed et nostra sedula conmonitione inductus resignauit ecclesie per manvm nostram plurima beneficia sua diu ab ipsa alienata Sita autem ubi ubi (sic) circa montem Husrůke atque supra Kezelarwalde, Item sparsim posita circa istos riuuos (sic) trahtina, Innen atque Ahsa usque in danubium, Item supra Trunvelde sua beneficia, que Ministeriales secclesie ab illo suscepta in beneficio tenebant. Item resignauit ius petitionis ac decimationis parrochiarum Puhele et gundeskirchen. Hec omnia predictus marchio atque pater ejus Otakkerus, qui rome obiit, dudum ante etatem nostram a pilgrimo pataviensi episcopo in beneficium susceperat et ea ab Arnulfo magnifico comite de Welsa atque de Lambachha ipsorum consanguineo ad eos fuerant deuoluta atque possessa. Itaque nos deuotionj predictj marchionis obuiantes quandam capellam Twedick nominatam ex iure fundi eius propriam castro Stire contiguam ac pertinentem libertate ecclesiastici iuris promouimus speciales ei terminos instituimus, ius altaris ac nostrum marchioni contulimus, ut ipse potestatiue possideat ipsamque capellam incendio turn uiolatam denuo consecrauimus. Quam etiam a prefato pontifice P(ilgrimo) pridem consecratam, libertate donatam, prediis a kathedrali ecclesia exemptam paucasque ecclesias in illis locis tunc fuisse in euidenti ejusdem antistitis Pilgrimj priuilegio invenimus, relegimus ac, sicut congruebat, factum tanti pontificis ratum habuimus. Nomina autem terminorum ejusdem capelle, exordia et fines, dimensiones atque emensiones, sicut ab eodem institutas ac expressas inuenimus, Nos quoque ej damus et confirmamus, hic interserimus sicque illos assignamus. A terminis chremsmunstrensis ecclesie per siluas camposque, per plana et inuia, ipsius termini inchoant conplectentes culta et inculta sursumque e regione in prepetem fluujum Stire protendunt et secundum illius defluxum in flumen anesum descendunt. In alio vero latere ab eisdem terminis et cum ipsis per uastum Nemus ac per uarias emensiones ipsj terminj decurrentes culta incultaque conplectentes profusius sese extendunt et usque ad terminos ecclesie S. martiris Floriani pertingunt, a quibus et in quibus ad terminos Lauriacensis parrochie directim (?) permaneant atque cum illis uicissim e regione decurrunt et in fluujvm anesum se determinant. Predicte itaque capelle potestatem conferimus ac confirmamus integra iura in diuinis dispensationibus, in decimatione, in diuinorum plenaria administratione in illis locis, que infra predictos terminos posita esse dinoscuntur. Cuj etiam concedimus, ut, si a dycesiano (sic) suspensio diuinorum exierit, ipsa libera existat atque ab eodem exeonmunicatos ad sepulturam recipiat. Vtque istud pro bono factum nostrum ecclesie et marchionj semper firmum permaneat, paginam istam fecimus inde conscribi et sigillo nostro conmuniri, testibus subnotatis, Dietmarus major prepositus, V/olricus, aguileiensis, V/olricus de Zwentendorf, Almarus, Heinricus, Hugo, Hugo, canonicj. Hartmmanus (sic) prepositus sancti Floriani, Engelbertus prepositus sancti Yppoliti archydiaconus *) Arnoldus, Eberhardus decani. Isembertus, V/olricus, Mengodus capellanj. Isti de laicis, Fridericus comes de pilstein, Hartwicus de hagnowe, Pabo de zollinge, Dietricus de p/uomgarten. Ministeriales ecclesie, Hartwicus de Krenzinge, Gerolt de matse, Porno de holzhusen cum filiis suis Rudigero, Vlrico, porno, Hartmv^ot pincerna, Siboto dapifer. De militibus marchionis, Walchun, cholo, Vlricus, aribo, Hartnidus, Otto, arnehalmus, Renherus et alii multj ... Data apud Lauriacum anno dominice incarnationis. M.1xxx.viii. XIIII. Kalendas Augusti, Anno pontificatus nostri XXIIII, Indictione XI. Regnante domino nostro iesu christi (sic) in eternum. Amen.

Source Fulltext: OÖUB 2 (Wien 1856) S. 117-119