In nomine sancte et indiuidue trinitatis patris et filii et spiritus sancti amen. Livpoldvs Dei Gratia Dvx Austrie et Stirie Omnibus presentem paginam inspecturis salutem in perpetuum. Qvia ratio juris nos adhortatur Ecclesiarurn dei conmodum augmentare et quantum possumus, de nostris rebus et possessionibus seruitium omnipotentis dei, quamdiv uixerimus, ampliare, ut per hoc non solum temporalia, sed eterna bona etiam consequi mereamur, Ea igitur sollicidudine (sic) inducti scriptis presentibus Notum facimus omnibus scire uolentibus tam futuris quam presentibus, qualiter nos Monasterium Glv^enick cum omnibus suis Juribus et possessionibus semper defendere, promouere et exaltare intendimus, ut debemus. Hinc est, quod nos dictam Ecclesiam ab omnibus aduocatis uolumus esse liberam et securam ita, ut semper in omnibus suis possessionibus et libertatibus nos et omnes nostri successores, vbicumque homines vel predia in nostro Dominio habuerit, gratis habito respectu solummodo dei et pro salute animarum nostrarum defendere teneamur, et quicumque predium eidem Monasterio contulerit, ad nos tamen aduocatia pertinebit, sicut in priuilegio ipsius fundatoris videlicet venerabilis ac sanctissimi Ottonis babenbergensis episcopi est distinctum et confirmatum, et quia etiam nimis esset indignum et indecens, ut ecclesias, quas principes de suis rebus et laboribus fundarent, minores persone in eisdem ecclesiis sibi Jus aduocatie vel dominij usurparent, Nullus etiam Judicum secularium tam nostri quam alieni in prediis vel hominibus dicti Monasterij debet aliquam jurisdicionem habere, sed postquam aliquis reus sanguinis vel in quocunque crimine condempnatus fuerit, sicut cingulum uestes claudit, nostro judicio assignetur salua ecclesie omni re mobili et inmobili. Preterea in terra et in aquis, vbicumque per terras nostras aliquid deduxerint, siue sint ligna vel victualia siue vinum vel alia, quocumque nomine censeantur, quolibet tempore anni libere sine omni můta et exactione ipsos uolumus pertransire. Familia etiam nostra cum familia Glv^enicensi matrimonia libere ac licenter contrahat. Concedimus etiam, quemadmodum felicis memorie consanguineum nostrum Marchionem Otakkerum inuenimus indulsisse, quod omnes Ministeriales terre nostre ac alii nobiles nominis cuiuscumque ea, que a nobis nomine pheodi uel hominij possident, pro remedio animarum suarum Glv^enicensi cenobio libere delegent ac conferant. Piscaturam etiam in flumine Anesi, vbi possessio ipsorum inchoatur, usque ad Steninge ex utraque parte litoris ac gurgitis ipsis licenter ac libere conferimus. Presenti quoque scripto manifestamus, quod tradidimus Ecclesie Glvnicensi per manus domini nostri venerabilis Ottonis babenbergensis episcopi, a quo possedimus Jure pheodi illa, que nominatim duximus exprimenda, videlicet possessiones Hv^elwarn inter duos montes hinc et inde usque in Tiv^ephenbach et in Styer fluuium verum et legitimum terminum habentes, hec omnia cooperatione V/odschalci de Chlv^ese, qui nostras res in illis partibus administrabat, ad salutem contulimus Monasterio antedicto, vt inde fratres nobis indulgere deberent, quod nos eis vinum ipsorum aput Chremse pro nostra necessitate abstulimus aliquando. Insuper dominus noster babenbergensis Episcopus tradidit predia eadem et confirmauit de nostra bona et libera uoluntate, scilicet duos cultos mansus, noualia nemora culta et inculta, et omnia seorsum contigua inter duos montes usque in Styer et in Tiv^ephenbach undique protendencia cum omni utilitate, que perpetuo ex hiis poterit prouenire, et fratres eiusdem Ecclesie libere et absque ullo inpedimento illa perpetuo possideant. Jus etiam aduocatie in sepe dictis possessionibus, iramo etiam in omnibus prediis et possessionibus, quas episcopi babenbergenses Glv^enicense (sic) Cenobio siue in Pirno monte vel in Hage tradiderunt et confirmauerunt, nobis ac posteris nostris taliter duximus retinendum, vt ipsas absque respectu tocius conmodi temporalis fideliter defendere atque protegere teneamur. Vt autem hec omnia per cuncta annorum circula firma et inconuulsa permaneant et a nullo successorum nostrorum infringi ualeant, nostri sigilli munimine duximus roboranda, testibus subnotatis, quorum hec sunt nomina: Wernhardus de Scho^eumberch, Vlricus et Livtoldus de Peka, Hartnidus de Orth, Wulfingns de Chapfenberch, Herrandus de Wildonien, Gvndacherus de Styer, Hertnidus de Ovenstaeine, Rudolfus de Stadeke, Erchengerus de Landeser, Otto et Ottakkarus de Greze, Pillunch de pernstaeine, Otto de Volchenstorf, Duringus de Plesse, Eberhardus, Rudolfus fratres de Ternperge, Hiltgrimus et Wolfganch de Enstal, Otto, Otakkarus, Imbrich, Marquardus, Rudolfus, Wezilo de Styer, Chvnradus, Livpoldus, Perchtoldus, Herrandus, Vlricus, Otto, Ortolfus et alij multi, Acta sunt hec Anno Dominice Incarnationis Millesimo, Centesimo, Septuagesimo Quinto (sic). Indictione septima, Data aput Laureacum Nonis Maij.||
Regnante domino nostro iesu christo in Eternum feliciter Amen.

Source Fulltext: OÖUB 2 (Wien 1856) S. 440-442