Gertrudis de Steichperg omnibus prsesentem litteram inspecturis salutem in Domino. uniuersis et singulis notum fiat, quod nos Ecclesiae in Glunickh feodum situm iuxta Curiam, quae uocatur Wis, quod Dominus Richerus de Vornperch a nobis Jure Pheodali noscitur possedisse, quod Jus dictus Richerus in manus Venerabilis Abbatis Domini Rudolphi dictae Ecclesise Glunicensis Pastoris nomine praesidentis resignauit coram Viris prouidis et discretis praesentibus filijs praefati Richeri uidelicet Richero et Vlrico, dedimus et contulimus perpetuo possidendum, in cuius rei testimonium praesentem litteram nostri Sigilli munimine roboratam praelibatae Ecclesiae Cum Testibus subnotatis prouide assignantes. Testes Dominus Alramus de Liechtenau, Dominus Marquardus de Linden, Chunradus officialis, Fridericus Leudungen, Ortolphus de Linden, Otto de Aue, Chunradus Laempel, Testes praedictos ex parte Dominae fecimus conscribi. Testes ex parte Domini Abbatis Dominus Dietmarus de Styria, Dominus Vlricus de Windberch, Dominus Wernhardus de Witthra, Vlricus Osterman, Chunradus officialis de Glunikh, Ortulphus seruus Domini Abbatis, Henricus frater suus, Henricus Pistor, Rapoto coquus et alij quam plures. Acta sunt haec Anno Domini Millesimo Ducentesimo Quinquagesimo Quarto, Calendas Januarij.

Source Fulltext: OÖUB 3 (Wien 1862) S. 213, Nr. 218