Nos Chunradus dej gratia Abbas Glunicensis cum vniuersitate conuentus ibidem Notum facimus vniuersis, ad quos presens scriptum peruenerit, quod de nostra bona omnium voluntate lis, que inter nos ex vna parte et hartwicum et generum suum otakerum de loutterbach ex altera fuit super curia jn trubenpach cum feudo sibi adtinentj et sweigis in Awe et dachsenekke, per arbitrariam sentenciam taliter est decisa, scilicet quod prefatus Otakerus vna cum filia sua Kunegundi habebunt et possidebunt prelibatam curiam jn Trubenpach cum feodo sibi adtinentj et sweigam jn Awe cum terminis sibi adtinentibus ex iure jure precario, quam diu vixerint, pariter vel singulariter pro pensione quinque solidorum dandorum IN Natiuitate beate Marie virginis nostre ecclesie, tali conditione adiecta, quod, si in ante dicto termino vel jnfra dies quatuordecim de pensione totaliter nostre ecclesie non fuerit satisfactum, extunc continuatis diebus ter XIIII penam persoluant sex solidorum, Nisi tunc sit propter minoritatem temporis defalcanda, Renunciato omni jure IN Swaiga Dachsenekke cum suis terminis, quod sibi dicere competebat, Adiecta etiam tali conditione super sepenominatis curia jn Trubenpach cum feudo sibi adtinentj et Swaiga jn Awe, quod, quando prefatj otakkerus et kunigundis filia sua ab hac uita transmigrauerint, quiete cum omni iure et libere sit soluta, Remissa etiam omnj jnpetitione, quam nos et contra hertwicum de Sjppach habere eo tempore poteramus, quam sententiam arbitrariam vnanimiter et voluntarie ratam habentes jn ipsius rei testimonium presentes litteras nostris sigillis subpendentibus cum testibus subnotatis fecimus munimine conmuniri. Huius Rei sunt testes Bertoldus abbas Kremsmunstrensis, FRidericus Abbas Gerstensis, Chunradus hospitalarius jn pyerN, Chunradus Scriba Anasi, Marquardus preuhauen, perichtoldus frater suus, Duringus Scekko, Otto de osterberk, Ortolfus de Kersperch, Richerus de stadel. vlricus, Marquardus, Ditmarus fratres dicti de tursendorf, Hylprandus, Ditmarus de SchacheN, Hugo et filius suus ponhalm, HeinRicus Roubber et alij quam plures. Acta sunt hec Stirie ANNO Domini M. DD. Sexagesimo octavo, kl. Jvnij.

Source Fulltext: OÖUB 3 (Wien 1862) S. 357-358, Nr. 380