Nos Chunradus miseracione diuina abbas Monasterii glu^enicensis et conuentus eiusdem loci Notum facimus omnibus presentem litteram inspecturis, quod albertus miles dictus Wolfstain et filii sui possessiones, quas ab ecclesia nostra possederant, ad manus nostras resignauerunt, Scilicet tres decimales domos, Duas in grub et vnam super zolansperg et pratum quoddam eciam in Grub situm, quod soluit LX. denarios. Et unum pheodum aput Ehrolfing, quod soluit XXX. denarios. Preterea dictus Albertus cum filiis suis contulerunt Monasterio glunicensi duo predia in winchel sita, que soluunt talentum denariorum, Ea condicione, ut omni secunda feria ad beatam mariam Magdalenam in sinistra abside missa pro defunctis celebretur, Et in festo sancti Seuerini Confessoris annuatim Anniuersarius ipsius militis, quando ab hac uita discesserit, atque patris sui et omnium parentum suorum cum Missa et uigilia sicut uni de nostris fratribus celebretur et consolacio dictis fratribus exhibeatur, videlicet ea nocte, cum uigilia cantatur, duo fercula et unus potus. In Mane uero, cum Missa canitur, idem potus, qui et in nocte cum tribus ferculis et albo pane administretur. Et si in ipso die antedictum anniuersarium per aliquam obliuionem neglexerimus, ipse uel cuique amicorum suorum iniunxerit in futurum, ante dictas possessiones detineat, quousque memoria ipsorum, ut est premissum, persoluatur. Ad cuius rei memoriam presentem litteram scribi fecimus sigillorum nostrorum munimine communitam, Testibus, qui aderant, subnotatis: Arnoldus prepositus domus sancti Floriani, Magister Chunradus, Meinhardus, Vtschalcus (sic) Canonici eiusdem Ecclesie; Hugo Prior, Heinricus, Duringus, Ortolfus, Wernhardus, Ekkardus, Alramus, Otto, Sifridus, Leupoldus, Heinricus, Chunradus Sacerdotes Monasterii Glvnicensis, Alramus, Johannes Dyacones eiusdem loci, Paulus, Richerus Subdyacones, Vlricus conuersus et alii familiares Ecclesie memorate, Chunradus Scriba Anasi, Marquardus Preuhauen de Alhartsperge, Marquardus, Perchtoldus fratres dicti preuhauen, Důringus scheko, Otto Holsterperger, Richerus de Stadel, Ortolfus, Heinricus dicti Chersperger, Rugerus de Zavcha, Heinricus hv^esendorfer, Rugerus pru^eschenche, Fridericus Waldner cum filiis suis Friderico et leutoldo, Vlricus Judex Anasi, Meingoz Ruffus, Chunradus Swaiff, Tiemo, Fridericus fratres, Otto, Arnoldus filii ipsius Alberti Wolfstain, Ditmar, Sifridus fratres de hagwald, Chunradus, Ludwicus fratres de Zaucha, Ditricus gerber cum multis. Acta sunt hec aput ciuitatem. Anasum Anno domini M. CC. LXX. VIII. kalendas Junii.

Source Fulltext: OÖUB 3 (Wien 1862) S. 376-377, Nr. 405