Wier Elzbeht von Gotz gnaden weiln Chuniginne ze Romê veriehen vnd tv^en chunt offenleich an diesem brief allen den, di in sehent oder horent lesen, daz wier von der beweisung vnd von dem rat vnsers Gaistlichen vaters Bischolf wernhart von Pazzawˆ mit wol verdachtem mu°t ze Selegerêt aller vnser vodern vnd besunderleich vnsers lieben Herren vnd wirtes Chunich Albrehtz von Romê vnd auch vnser selber vnd vnser nach cho^emen Selê vnd besunderleich zu^e einer Widerlegung der veyertag, di an vnserm Siedem ze Hallstat, daz wier mit vnserm gut von wildem pirig erpawn haben, v^ebergangen vnd zebrochen werdent mit aribait, der man idoch ze no^et nit enpern mach, vnser almu°sen von dem vorgenantten Syêden den gaistliehen laewten ... dem Ab tê - vnd dem Conuent ze Glewnich mit getailt vnd geben haben also, daz in vnser phfleger oder amptlsewt ze Hallstat alle jar an vnser vrawn tag, als si geborn ist, Dreyzich fu°der du^erres Saltzes geben su^elln vnd daz selb Saltz sol in an vnser Mawttestat ze Gmvnden ledichleich an Mawt fu^er gen. Waer aber, daz in vnser phfleger oder amtlsewt daz vorgenant Saltz an dem vorgenanten tag nicht gebênt, So gebieten wier erstleich bei vnsern hulden vnsern Purchlaewten ze Hallstat, daz si dhain Saltz ze Hallstat auz lazzen fu^eren, vncz daz daz vorgenant Saltz dem vorgenanntten Gotzhawˆs werde verriebt. Ez sol auch der vorgenant Abtt alle jar an sant Philipps tag seinem Convent ein halb phfunt wienner phfenning ze bezzerung ir phfrvnde geben von dem vorgenantten Salcz, daz si dar vmb dez selben tages vnsers vorgenanten wiertes, der an dem selbem tag verschieden, vnd vnser vordem vnd nach cho^emen vnd auch vnser selb, swanne wier niht sein, jartag begên mit vigilien vnd mit Selmessen vnd mit andern Go^etleichen sachen. Vnd dar v^eber, daz vnser vorgeschriben gab vnd vreyˆvng dem vorgenantten Abte vnd dem Conuent datz Glaewnich staete vnd vnzebrochen beleib von vns vnd vnsern nach chomen, haben wier in disen brief geben versigelt mit vnserm Insigel. der ist geben datz Newnburch, do man zalt von Christes gebu^ertte Drewzenhundert jar, in dem Drewzehenten jar an vnser vrawn tag ze der Liehtmesse.

Source Fulltext: OÖUB 5 (Wien 1868) S. 96-97, Nr. 93